San Mateo 10:10 - Xochapa Mixteco

¹⁰ Ni leka ndo küꞌun xiꞌin ndo, ni inka nuu toto ndo ya ndinama ndo küꞌun xiꞌin ndo, ni nduxan ndo, ni itun küniꞌi ndo kuꞌun xiꞌin ndo. Chi ndóꞌo̱ ta kúu mií ndo ichí niꞌi ndo ñaꞌa kuxi ndo nuu na íkan ndo ya vaꞌa xiꞌin.

San Mateo 10:10 Mawu Ofanana

San Mateo 10:11

Tá ndi̱xaa ndo iin ñuu naꞌnu án ñuu vali, ta nduku ndo naꞌa, na vaꞌa. Ta ikán koo ndo xiꞌin na nda kivi ná kana koo ndo ñuu na.

San Marcos 6:8

Saa xa̱ꞌnda ra chiñu nuu nda ya ná küꞌun nda iin ñaꞌa xiꞌin nda kuniñuꞌu nda ichí: ni bolsa ni xita vaꞌa, ni xuꞌun küvi kuꞌun xiꞌin nda. Ndisaa iindaa itun kátavi na ku nu vaꞌa kuꞌun xiꞌin nda.

San Lucas 3:11

Saa ndi̱kuiin ra, káchi ra saa: ―Tá íyo iin taa kúu mií uvi tikoto, ta íyo inka ra köo nda iin tikoto ra, ta ra kúu mií uvi tikoto xíniñuꞌu ra taxi ra iin ya ndaꞌa ra köo nda iin tikoto. Saa tu iin ra íyo ñaꞌa xíxi nuu, saa xíniñuꞌu tu ra ikán va xaa súvi ra ―káchi ra Juan xiꞌin na.

San Lucas 9:3

Tá täꞌan kuꞌun nda ta ndi̱kaꞌan ka ra xiꞌin nda, káchi ra saa: ―Kuáꞌan ndo, ta nda iin ñaꞌa küꞌun xiꞌin ndo. Küniꞌi ndo itun, ni leka, ni xita, ni xuꞌun, ni tikoto ndo ya ndinama ndo küꞌun xiꞌin ndo. Nda iin ñaꞌa küꞌun xiꞌin ndo.

2 Timoteo 4:13

Tá tu xa vaxi un, ta vaꞌa kundiso loꞌo un toto i ya ndíxi i tá vixin, ya si̱ndoo i veꞌe ra Carpo ñuu Troas. Ta saa ná kixi tutu i nuu vaxi tuꞌun Ndioxi xiꞌin un, ta ya ndee ni ka kuñuꞌu ini un xaꞌa kuniꞌi un kixi xiꞌin un ku ñií kiti nuu íyo tuꞌun Ndioxi.