San Mateo 1:22 - Xochapa Mixteco

²² Ndiꞌi ya yóꞌó ku̱u nuu ndi̱xinu ya ndi̱kaꞌan ndoso Tata yo tixin ra ndi̱kaꞌan ndoso tuꞌun ra, tá ndi̱kaꞌan ra, káchi ra saa:

San Mateo 1:22 Mawu Ofanana

San Mateo 12:17

Saa ku̱u nuu ndi̱xinu ya ta̱a ra profeta Isaías, ra ndi̱kaꞌan tuꞌun yuꞌu Ndioxi, káchi ra saa:

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Mateo 13:35

Yóꞌó ku nuu si̱xinu Jesús ya ta̱a ra profeta, ra ndi̱kaꞌan ndoso tuꞌun yuꞌu Ndioxi xinaꞌa, káchi ra saa: Tixin tuꞌun ndíchi kaꞌan i xiꞌin naꞌa. Kaꞌan i xiꞌin na xaꞌa tuꞌun ya ndi̱xiyo sěꞌe nda kivi si̱kuaꞌa i ñuu ivi yóꞌó, iin saa nda kivi vitin, káchi Ndioxi xiꞌin ra profeta ikán.

San Mateo 2:15

Ikán ndi̱xiyo na nda kuiya ndi̱xiꞌi ra rey Herodes. Saa ndi̱xinu tuꞌun Ndioxi ya ta̱a iin ra ndi̱kaꞌan ndoso tuꞌun ra xinaꞌa nuu ndi̱kaꞌan ra, káchi ra saa: “Ka̱na i seꞌe i ke̱ta ra ñuu Egipto, ta ndiko koo ra nuꞌu ra ñuu ra”, káchi tuꞌun Ndioxi, ya ta̱a iin ra ndi̱kaꞌan ndoso tuꞌun Ndioxi.

San Mateo 2:23

Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.

San Mateo 5:17

Saa ndi̱kaꞌan tuku Jesús, káchi ra saa: ―Ndïkani ini ndo ya vaxi i sindiꞌi xaꞌa i ley Ndioxi, án tuꞌun ra ya ta̱a nda ndi̱kaꞌan ndoso tuꞌun yuꞌu Ndioxi xinaꞌa. Växi i sindiꞌi xaꞌa i ya, chi ya vaxi i sixinu ka va i ku tuꞌun ya ndi̱kaꞌan Ndioxi.

San Mateo 8:17

Ikán ku nuu ndi̱xinu ya ndi̱kaꞌan ra profeta Isaías xinaꞌa, ka̱chi ra saa: “Ndi̱kuiso ndiꞌi Ndioxi kueꞌe ndóꞌo yo, saa si̱ndaꞌa ra yoo xaꞌa ndiꞌi kueꞌe kúu mií yo”, káchi ya ta̱a ra ikán xinaꞌa.

San Lucas 21:22

Saa chi ndee ni ìyo kuu koo kuachi, saa ndoꞌo ni ndóꞌo̱ ñuu Jerusalén ikan Ndioxi. Ta ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 10:35

Ta xíni yo tuꞌun Ndioxi ta küvi ndikuaa yo ya káꞌan ya. Mií Ndioxi ku ra ndi̱kaꞌan xaꞌa nda ndi̱kaꞌan ndoso tuꞌun yuꞌu ra, ya kúu nda ndioxi vali.

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

San Juan 18:9

Ndi̱kaꞌan Jesús saa nuu xa̱a súvi ra ya ndi̱kaꞌan ra káchi ra saa: “Nda ta̱xi un ndaꞌa i, ta nda iin nda köo ndi̱sindañuꞌu i”, káchi Jesús xiꞌin Ndioxi tá yachi.

Los Hechos 3:18

Sundi Ndioxi ta xa̱a nduvi ndiꞌi ra ya íyo nuu tuꞌun ra, ya ta̱a ndiꞌi nda ndi̱kaꞌan ndoso tuꞌun yuꞌu ra xinaꞌa, chi ya ikán káchi ya saa: “Xíniñuꞌu ndoꞌo ni Cristo, ra tiꞌvi Ndioxi kixi sikaku yoo ñuu ivi yóꞌó”, káchi ya ta̱a nda ―káchi ra Pedro xiꞌin na.

ROMANOS 1:2

Saa chi xa ki̱ndoo Ndioxi xiꞌin nda profeta nda ndi̱kaꞌan ndoso tuꞌun yuꞌu ra xinaꞌa, ya xaa súvi ra xaꞌa tuꞌun vaꞌa ya ndi̱kaꞌan ra xiꞌin nda ikán xaꞌa Jesucristo. Saa ta̱a nda ikán tuꞌun nuu tutu ya náni Tuꞌun Ií Ndioxi.

El Apocalipsis 17:17

Ta mií Ndioxi ku ra chi̱tuni ya koo yuꞌu uxi saa nda rey ikán xiꞌin taꞌan nda, ya taxi nda ichí ndaꞌa ri ìyo ni káa ikán ya kaꞌnda chiñu ri. Ta saa kaꞌnda chiñu ri nuu nda rey ya sixinu nda ya káꞌan tuꞌun Ndioxi.