San Mateo 1:16 - Xochapa Mixteco

¹⁶ Ta ra Jacob ku ra xi̱kuu iva ra José, ra ndi̱xiyo ií yá María, yá ndi̱xiyo siꞌí Jesús, ra kúu Cristo.

San Mateo 1:16 Mawu Ofanana

San Mateo 1:15

Ta ra Eliud ku ra xi̱kuu iva ra Eleazar, ta ra Eleazar ku ra xi̱kuu iva ra Matán, ta ra Matán ku ra xi̱kuu iva ra Jacob.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 16:20

Saa ndi̱kaꞌan Jesús xiꞌin nda ítaꞌan xiꞌin ra, ya ná käꞌan nda xiꞌin nda iin naꞌa ya kúu ra Cristo ra ti̱ꞌvi Ndioxi vaxi sikaku na ñuu ivi yóꞌó.

San Mateo 2:13

Tá ke̱e nda ndíchi ikán kuanuꞌu nda, ta ñǔu saa ndi̱kixi ra José, saa ndi̱xani ra ndi̱tuvi iin tatun ke̱e nuu Ndioxi nuu ra káꞌan ya xiꞌin ra, káchi ya saa: ―Kuándikoo, ta ndikiꞌin un ra loꞌo kuꞌun xiꞌin un xiꞌin siꞌí ra, ta kama ni koo ndo kunu ndo kuꞌun ndo xiꞌin ra ñuu Egipto. Ikán koo ndo nda kivi ná kaꞌan i xiꞌin ndo, saa ndiko koo ndo, saa chi ndinduku ra rey Herodes ra loꞌo, chi kúni ra kaꞌni ñaꞌa ra ―káchi tatun Ndioxi ikán xiꞌin ra José.

San Mateo 27:17

Saa ndi̱kitaꞌan ndiꞌi nda ndóo nda, ñaa ndi̱kaꞌan ra Pilato xiꞌin nda, káchi ra saa: ―¿Unku ra kúni ndo tava i veꞌe kàà? ¿Án ra Barrabás tava i án ra Jesús ra káꞌan ndo xiꞌin Cristo tava i ―káchi ra xiꞌin na.

San Mateo 27:22

Saa ndi̱kaꞌan tuku ra xiꞌin na, káchi ra saa: ―Ta ¿unkua ikan i xiꞌin ra, káꞌan ndo xiꞌin Cristo? ―káchi ra xiꞌin na. Saa ndi̱kuiin ndiꞌi na, káꞌan na: ―¡Chinuu ra ndaꞌa cruzin! ¡Ná kuvi ra! ―káchi na, iin káchi ndi̱kaꞌan ndiꞌi na.

San Marcos 6:3

Ta süvi chiñu ndee vi kúu mií ra xiꞌin itun va xáa chiñu ra. Án su seꞌe yá María va ku ra, ta xíni tu yo nda ñani va ra, ra Jacobo, xiꞌin ra José tin ra Judas xiꞌin ra Simón. Xíni tu yo ná kuꞌva va ra ―káchi na. Ta xa̱á káꞌan ni na xaꞌa ra.

San Lucas 1:27

Kuaꞌan ra koto ra iin yá kuâán loꞌo yá náni María. Ta nda iin taa täꞌan kusun xiꞌin yá. Xa íyo nduvi ndiꞌi ya tindaꞌa iin ra náni José xiꞌin yá. Ta ra José ku seꞌe sikua ra rey David.

San Lucas 2:48

Ta saa xa̱a iva siꞌí ra nuu índuꞌu ra, ndi̱kanda ni ini na xiꞌin ra. Ñaa ndi̱kaꞌan siꞌí ra xiꞌin ra, káchi yá saa: ―¿Ndachu i̱kan un saa xiꞌin nde, iva? Tata un tin yeꞌe ndúku ka vi nde yóꞌo̱, saa ndíꞌi ka vi ini nde xaꞌa un ―káchi yá xiꞌin ra.

San Lucas 2:7

Ta köo ndi̱niꞌi na veꞌe nuu kundoo na, saa chi xa chútu ni veꞌe nuu kíxi na xíka ichí, yakan ndá nuu kíxi kiti ndi̱xaꞌan na ndi̱kixi na, ta ikán ka̱ku ya loꞌo seꞌe yá ra núnu̱ú, taa loꞌo ku ra ka̱ku, saa su̱vi yá ra xiꞌin iin tikoto ta chi̱nduꞌu yá ra kíxi ra nuu ñúꞌu ñaꞌa xíxi kiti.

San Lucas 3:23

Saa tá ndi̱xinu Jesús oko uxi kuiya ra ta saa xa̱á ra sínaꞌa ra na ivi. Ta xíka ini na seꞌe ra José ku Jesús, káchi na. Ta ra José ku seꞌe ra Elí.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Juan 4:25

Saa ndi̱kaꞌan yá xiꞌin ra, káchi yá saa: ―Xíni i iin kivi ta kixi Taa ra Mesías. Ta káꞌan tu na xiꞌin ra Cristo va. Tá ná kixi ra ikán ta saa ndikani vaꞌa ka ra nuu nde ―káchi yá.