San Marcos 9:9 - Xochapa Mixteco

⁹ Tá ndi̱ko koo nda vaxi nuu nda iku ikán, ta saa ndi̱kaꞌan Jesús xiꞌin nda, ya ná käꞌan nda xiꞌin nda iin naꞌa xaꞌa ya xi̱ni nda. Nda ná nditaku mií Taa ra xa̱a ñuu ivi yóꞌó saa kua ndituꞌun nda xaꞌa ya xi̱ni nda.

San Marcos 9:9 Mawu Ofanana

San Mateo 12:19

Nda iin na käni taꞌan ra xiꞌin, ni ndäꞌi ra xiꞌin na. Ta ni käꞌan ra nuu naꞌa xaꞌa mií ra ya kuni soꞌo na tachi ra.

San Mateo 12:40

Saa chi ra ikán ta xi̱ndikaa ra tixin tiaka chee ni uni ñuu tin uni nduvi, saa yeꞌe, Taa ra xa̱a ñuu ivi yóꞌó, ndikaa i tixin ñuꞌú uni ñuu tin uni nduvi.

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Marcos 5:43

Saa ndi̱kaꞌan ni ra xiꞌin na, ya ná käꞌan na xiꞌin nda iin naꞌa ya xi̱ni na. Ñaa ndi̱kaꞌan ra xiꞌin iva siꞌí yá, ya ná taxi na kuxi yá.

San Marcos 7:36

Saa ndi̱kaꞌan Jesús xiꞌin na ya ná käꞌan na xiꞌin nda iin naꞌa ndá kuꞌva ndu̱vaꞌa ra. Ni ndi̱kaꞌan ni ra xiꞌin na ya ná käꞌan na xiꞌin nda iin naꞌa, ta kuaꞌa ni ka na ndi̱tuꞌun na xiꞌin xaꞌa ra.

San Marcos 9:10

Xaꞌa ya ikán kua köo ndi̱tuꞌun nda xiꞌin nda iin naꞌa, sundi ndákan tuꞌun taꞌan mií nda chi köo ndi̱kundaa ini nda xaꞌa ya ndi̱kaꞌan ra ya nditaku ra tañu na ndíi.

San Marcos 9:8

Ñaa si̱kuꞌun nuu nda ndi̱koto nda ndiꞌi kúu ñaꞌñu, ta nda iin ka naꞌa köo ndi̱xini nda íyo xiꞌin Jesús, siindaa mií ra xi̱ni nda.

San Lucas 24:46

Ta ndi̱kaꞌan ra xiꞌin na, káchi ra saa: ―Soꞌva káꞌan tuꞌun Ndioxi ya ta̱a na xinaꞌa: “Ra Cristo, ra ndi̱kaxin Ndioxi sikaku na ñuu ivi yóꞌó ta xíniñuꞌu ra ndoꞌo ni ra ta kuvi ra, sundi kivi uni nditaku ra.

San Lucas 9:36

Tá si̱ndiꞌi ndi̱kaꞌan Ndioxi xiꞌin nda saa ndi̱koto nda nuu íin Jesús ta nda iin ka naꞌa köo xiꞌin ra, iindaa mií ra íin xi̱ni nda. Ta köo ndi̱kaꞌan yachi nda xiꞌin nda iin naꞌa xaꞌa ya xi̱ni nda.