San Marcos 9:4 - Xochapa Mixteco

⁴ Saa xi̱ni nda ndi̱tuvi ra Elías xiꞌin ra Moisés, káꞌan nda xiꞌin Jesús.

San Marcos 9:4 Mawu Ofanana

San Mateo 11:13

Tá kúu ndiꞌi nda profeta nda ndi̱kaꞌan tuꞌun yuꞌu Ndioxi xiꞌin ya ta̱a ra Moisés xinaꞌa, iin káchi ndi̱kaꞌan ndiꞌi nda ikán xaꞌa ya kuu saa, ta saa tu xaꞌa ra Juan va.

San Marcos 9:3

Toto ra ta ndakua yaa taxan ndu̱u ya, iin yaa sami ya, nda iin toto ni kuaꞌa ni ichí ná ndikata na ya, ta köo na kúchiñu ndasa yaa ni ya, tá kuꞌva yaa toto ra.

San Marcos 9:5

Ñaa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un, ta sikuaꞌa nde uni veꞌe itun vixin vali, iin ya koo yóꞌo̱, ta iin ya koo ra Elías, inka ya koo ra Moisés ―káchi ra xiꞌin Jesús.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 9:19

Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.