San Marcos 9:3 - Xochapa Mixteco

³ Toto ra ta ndakua yaa taxan ndu̱u ya, iin yaa sami ya, nda iin toto ni kuaꞌa ni ichí ná ndikata na ya, ta köo na kúchiñu ndasa yaa ni ya, tá kuꞌva yaa toto ra.

San Marcos 9:3 Mawu Ofanana

San Mateo 28:3

Ta ndee ni yéꞌe̱ nuu mií tatun Ndioxi ikán, tá ndíyeꞌe taxan saa yéꞌe̱ nuu ya, ta ndakua yaa kachi toto ya.

San Marcos 9:4

Saa xi̱ni nda ndi̱tuvi ra Elías xiꞌin ra Moisés, káꞌan nda xiꞌin Jesús.

San Lucas 9:29

Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra.

Los Hechos 10:30

Ta saa ndi̱kuiin ra káꞌan ra: ―Ná ndituꞌun i xiꞌin un unkua ndo̱ꞌo i. Xa xínu kumi kivi kua índuꞌu i veꞌe i, tá kuꞌva kàà uni kua íyo i xíxi suꞌun i ta káꞌan i xiꞌin Ndioxi xikuaa, ta ndi̱tuvi iin taa nuu i, yéꞌe̱ ka vi toto ndíxi ra.

El Apocalipsis 19:18

Kixi ndo kaxi ndo kuñu nda rey, kaxi ndo kuñu nda naꞌnu nuu nda lapa xiꞌin nda taa nda ndee ni, nda xa̱ꞌni kuaꞌa ni naꞌa nuu ndi̱xiyo kuachi. Saa kaxi ndo kuñu kuai xiꞌin kuñu nda taa nda xi̱yoso ri, kaxi ndo kuñu ndiꞌi saa nuu naꞌa, na naꞌnu tin na vali, na íyo ndíka tin na xáa chiñu xiꞌin ya nduxa nuu patron na. Naꞌa ndo kaxi ndo kuñu ndiꞌi na yóꞌó ―káchi tatun ikán xiꞌin ndiꞌi kiti ndáchi.

El Apocalipsis 7:14

Saa ndi̱kuiin i ndi̱kaꞌan i xiꞌin ra, káchi i saa: ―Köo xíni i, Tata. Mií un xíni unku na, káchi i xiꞌin ra. Saa ndi̱kuiin ra, káchi ra saa: ―Ndiꞌi na yóꞌó ku na ka̱na koo nuu yáꞌa ni vi ndi̱xuꞌvi na, ndo̱ꞌo ka vi na, ta ndi̱kata na tikoto na xiꞌin nií kiti Levo loꞌo, yakan ndu̱u yaa ni ya.

El Apocalipsis 7:9

Sindiꞌi ikán saa ndi̱koto i, ta xi̱ni i íyo kuaꞌa ni naꞌa, yáꞌa ni kuaꞌa ku na, nda iin naꞌa küchiñu kaꞌvi na ikán. Na ikán ta ndiꞌi ni kúu xaꞌa ñuu ivi yóꞌó ka̱na koo na, na ke̱e ñuu naꞌnu tin ñuu vali, kuaꞌa ni nuu tuꞌun káꞌan ndiꞌi na. Ndíta ndiꞌi na ikán yati nuu ndíchi tai toꞌo nuu índuꞌu ra kaꞌnu xiꞌin Levo loꞌo. Yaa ka vi tikoto ndíxi ndiꞌi na, saa ndíso na ñu̱ú síkuiko na ya nuu ra xiꞌin kiti Levo loꞌo.