San Marcos 9:1 - Xochapa Mixteco

¹ Saa ndi̱kaꞌan ka Jesús xiꞌin na, káchi ra saa: ―Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, kuni ndo nuu xáꞌnda chiñu Ndioxi xiꞌin ndee ra ya ndee ni ―káchi Jesús xiꞌin na.

San Marcos 9:1 Mawu Ofanana

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Marcos 13:26

Tá ndiꞌi ikán, saa kuni ndiꞌi na ivi yeꞌe, ra Taa ra xa̱a ñuu ivi yóꞌó, kuni na kixi i xiꞌin viko, ta ndee ni ndee koo i kixi i, iin ndiyeꞌe ndaa ndiꞌi, chi kixi ndiꞌi ndee i xiꞌin i.

San Marcos 13:30

Ya ndaa káꞌan i xiꞌin ndo, naꞌa na kuni seña yóꞌó ta kutaku na nda ná xinu ndiꞌi ya ndi̱tuꞌun i xaꞌa xiꞌin ndo.

San Lucas 2:26

Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Lucas 22:18

Chi nda iin ka ichí köꞌo ka i rá xiꞌin ndo, nda kivi ná kaꞌnda chiñu Ndioxi nuu na ñuu ivi yóꞌó, nda saa koꞌo tuku i rá xiꞌin ndo ―káchi ra xiꞌin nda.

San Lucas 22:30

Ta ndóꞌo̱ ku ndo kundoo kuxi xiꞌin i nuu mesa i nuu kaꞌnda chiñu i. Saa kundoo ndo xiꞌin i nuu iin iin tai toꞌo xaa nani ndo kuachi uxi uvi saa tiꞌvi nda kúu tata ra Israel ―káchi Jesús xiꞌin nda.

San Lucas 9:27

Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, chi kuni ndo ndá kuꞌva káa ya yéꞌe̱ Ndioxi nuu xáꞌnda chiñu ra ―káchi Jesús xiꞌin nda.

San Juan 21:23

Xaꞌa ya yóꞌo̱ kua ndi̱xita niꞌnu ndiꞌi tuꞌun xaꞌa ra yóꞌo̱ tañu na veꞌe ñuꞌu, ya küvi ra ikán. Sundi Jesús ta köo ndi̱kaꞌan ra xaꞌa ra ya küvi ra, ndi̱kaꞌan ra káchi ra saa: “Tá tu kúni i kutaku ra nda kivi ná ndiko koo i ta kutaku ra, ta yóꞌo̱, ¿unkua ndóꞌo un ndíꞌi ini un?”, káchi ra.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.