San Marcos 8:2 - Xochapa Mixteco

² ―Kúndaꞌvi ni ini i xíni i na yóꞌó, chi xa ndi̱xinu uni ví kivi ndóo na xiꞌin i, ta köo ñaꞌa kuxi na.

San Marcos 8:2 Mawu Ofanana

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 20:34

Saa ku̱ndaꞌvi ini Jesús xi̱ni ñaꞌa ra, ñaa ti̱in ndaa ra nduchi nuu nda. Ta ndikun ndu̱vaꞌa nduchi nuu nda, ndi̱koto vaꞌa nda, ta saa ndi̱kundikun nda sata ra, kuaꞌan nda.

San Mateo 9:36

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Marcos 1:41

Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Marcos 5:19

Ta köo ndi̱xiin Jesús taxi ra kuꞌun ra xiꞌin ra, saa ndi̱kaꞌan ra xiꞌin ra, káchi ra saa: ―Vaꞌa ndiko koo kuanuꞌu veꞌe un, ndituꞌun un xiꞌin na veꞌe un tin na taꞌan un ná kundaa ini na ndá kuꞌva ku̱ndaꞌvi ini Ndioxi xi̱ni ra yóꞌo̱ ―káchi Jesús xiꞌin ra.

San Marcos 6:32

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱kee nda ini iin itun barco ta ndi̱kiꞌin nda kuaꞌan nda nuu köo naꞌa.

San Marcos 6:34

núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

San Marcos 8:3

Tá tu saa ná koo na tiꞌvi i na nuꞌu na, ta ìyo ni kuvi ndiuu na ichí, chi sava na ta kani ni ke̱e na ―káchi ra xiꞌin nda.

San Marcos 9:22

Kuaꞌa ka vi ichí chíkaa ñaꞌa ya nuu ñu̱ꞌu̱ xiꞌin ini tikuii ya kaꞌni ñaꞌa ya. Yakan kua káꞌan i xiꞌin un, án kuchiñu ikán loꞌo un ya mani sindaꞌa un ra, kundaꞌvi ini un kuni un ndeꞌe, chindee loꞌo un ndeꞌe, ndaꞌvi nde ―káchi ra xiꞌin Jesús.

San Lucas 15:20

’Ñaa ke̱e ra ndi̱kiꞌin ra ichí ta ndi̱kiꞌin ra kuanuꞌu ra veꞌe ra. Xíka ka va kuaꞌan ra saa xi̱ni ñaꞌa iva ra. Ñaa ku̱ndaꞌvi ini ra xi̱ni ñaꞌa ra. Saa ke̱e ra xínu ra ndi̱xaꞌan ra nu̱mi ñaꞌa ra.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 5:2

Ta xaꞌa ya kúu sutu ikán ra ivi, ra vita ni ini taꞌan mií yo ivi yóꞌó, yakan vaꞌa kúndaꞌvi ini ra xíni ra naꞌa, na nda̱ñuꞌu, na köo kúndaa vaꞌa ini xaꞌa tuꞌun Ndioxi.