San Marcos 7:7 - Xochapa Mixteco

⁷ Köo ndáa yaꞌvi ya káꞌan na xáa kaꞌnu na yeꞌe. Chi kuꞌva sínaꞌa na, ta ya ndáku xiní na ivi yóꞌó va kua sínaꞌa na, chi süvi saa kua káꞌan yeꞌe ikan na, káchi Ndioxi xiꞌin ya ta̱a ra Isaías.

San Marcos 7:7 Mawu Ofanana

San Mateo 15:9

Ya uun xáa toꞌo na yeꞌe, chi sínaꞌa na naꞌa ichí ya ndíkani ini mií na, ta köo sínaꞌa ñaꞌa na xaꞌa ya káꞌan i xiꞌin na”, káchi Ndioxi xiꞌin ra Isaías ta̱a ra xinaꞌa ―káchi Jesús xiꞌin nda fariseo tin nda sínaꞌa ley Ndioxi.

San Mateo 6:7

’Tá káꞌan ndo xiꞌin Ndioxi, ta ndïko koo ndo kaꞌan ndo suvi iin saa nuu tuꞌun, chi saa íkan naꞌa, na köo ndíkun Ndioxi, ndíkani ini na kuni soꞌo Ndioxi ya káꞌan na xiꞌin ra kuaꞌa ni nuu tuꞌun.

1 Corintios 15:14

Tá tu köo ndítaku Tata yo Jesucristo, ndikuu, ta ni tuꞌun ya káꞌan ndoso ndeꞌe xiꞌin ndo, ta ni köo ndáa yaꞌvi mií ya ndíkuu, ta ni ya kándixa ndo ra ta köo ndáa yaꞌvi ya, ndíkuu.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

Colosenses 2:22

Ta ndiꞌi ñaꞌa ya káꞌan na xaꞌa xiꞌin ndo tá xíxi ndo ya án tá xíꞌi ndo ndá ka nduta ta rá ndíꞌi xaꞌa va ku rá. Yakan ya ñaa ta ya vaxi xi̱ní mií na ivi yóꞌó va kua sínaꞌa na, süvi ya xáꞌnda chiñu Ndioxi kua.

Tito 3:9

Ta küni soꞌo un ya ndítuꞌun kuachi na ñani yo xaꞌa ñaꞌa ya köo ndáa yaꞌvi ndítuꞌun na xaꞌa xií síkua na. Vaꞌa kuxika un nuu ya ñaa, xiꞌin ya kánitaꞌan na xaꞌa, ta káꞌan kuachi na xaꞌa ley ya ta̱a ra Moisés, chi ya ñaa ta köo chíndee ya nda iin naꞌa.

Santiago 1:26

Tá ndá ndóꞌo̱ ndíkani ini ndee ni vaꞌa kándixa ndo Ndioxi, ta köo ndi̱xita ndo mií ndo nuu ya väꞌa káꞌan ndo, ta síndaꞌvi ndo mií va ndo, chi süvi ya ndaa kua káꞌan ndo ndíkun ndo Ndioxi.

Santiago 2:20

Ta vaꞌa ná kundaa ini ndo chi väꞌa vi kéꞌe ndo, tá íkan ndo saa ndisaa ndáa ini ndo xíni ndo Tata yo, ta köo xáa súvi ndo chiñu xáꞌnda chiñu ra nuu ndo, ya ñaa ta köo ndáa yaꞌvi vi ya, ya uun kuiti va ku ya.

El Apocalipsis 22:18

Yeꞌe Juan, káꞌan i xiꞌin ndiꞌi ndo xíni soꞌo tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi íyo nuu tutu yóꞌó, káchi i saa: Tá íyo na chínuu ka tuꞌun ya sáma na ya káꞌan tuꞌun Ndioxi ta, kuꞌva saa chinuu ka Ndioxi tindoꞌo ya xa íyo nuu tutu yóꞌó, ndee ni uꞌvi tixuꞌvi na íkan saa.