San Marcos 7:6 - Xochapa Mixteco

⁶ Saa ndi̱kuiin Jesús káꞌan ra: ―Ndaa ni ndixa ndi̱kaꞌan ra Isaías, ra ndi̱kaꞌan ndoso tuꞌun yuꞌu Ndioxi xinaꞌa xaꞌa ndo, ya uvi ni yuꞌu ndo, chi ya ta̱a ra ndi̱kaꞌan Ndioxi xiꞌin ra, káchi ya saa: Na ivi yóꞌó, nuu yuꞌu kuiti va na ínuu ya káꞌan na, káñuꞌu na yeꞌe, sundi nima na ta íyo xíka ni ya nuu i, chi köo ndinuꞌu ini na xáa toꞌo na yeꞌe.

San Marcos 7:6 Mawu Ofanana

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 5:42

saa chi yeꞌe ta xíni vaꞌa i ini ndo, xíni i köo kúꞌvi ini ndo xíni ndo Ndioxi.

Los Hechos 28:25

Ta köo ndi̱xiyo yuꞌu sava na xiꞌin taꞌan na xaꞌa ya káꞌan ra Pablo, ñaa vaꞌa ka ka̱na koo na kuaꞌan na. Ta saa xa̱á ra Pablo káꞌan ra, káchi ra saa: ―Ya ndixa ni kua ndi̱kaꞌan Ndioxi xaꞌa ndo xinaꞌa xiꞌin xii sikua yo, chi xinaꞌa si̱kaꞌan Tachi I̱í Ndioxi ini ra Isaías ra ndi̱kaꞌan ndoso tuꞌun yuꞌu ra, ta̱a ra tuꞌun mií Ndioxi káchi ra saa:

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.