San Marcos 7:5 - Xochapa Mixteco

⁵ Xaꞌa ya ikán kua ndi̱ndakan tuꞌun nda maestro ikán xiꞌin nda fariseo, ndi̱ndakan tuꞌun nda Jesús, káchi nda saa: ―¿Ndachu kua köo xáa súvi nda ítaꞌan xiꞌin un ichí ya si̱ndoo xii yo xinaꞌa? Köo ndi̱kata nda ndaꞌa nda, saa íin yakua ndaꞌa nda xíxi nda, xíxi yakua nda nuu Ndioxi ―káchi nda xiꞌin ra.

San Marcos 7:5 Mawu Ofanana

San Mateo 15:2

―¿Ndachu köo káñuꞌu nda ítaꞌan xiꞌin un ya si̱naꞌa xii sikua yo xinaꞌa? Saa chi köo ndóo ndaꞌa nda xíxi nda tá kuꞌva íyo ya ndi̱kaꞌan xii yo ―káchi nda ikán xiꞌin Jesús.

San Marcos 7:13

Xiꞌin ya íkan ndo saa ta síndoo ndaꞌa ndo ya káꞌan Ndioxi. Xáa súvi ka ndo ya sínaꞌa mií ndo. Nda inka naꞌa sínaꞌa ndo xiꞌin ya káꞌan ndo. Ta kuaꞌa ni ka nuu ñaꞌa taꞌan ya yóꞌó íkan ndo ―káchi ra xiꞌin nda fariseo tin nda maestro ikán.

San Marcos 7:8

Ta saa ndixa íkan ndo, chi köo xáa ndúvi ndo ya káꞌan Ndioxi xiꞌin ndo, xáa ndúvi ka ndo ya sínaꞌa xii yo, tá kúu ya ndíkata ndo kisi xiꞌin vaso tin inka ka nuu ñaꞌa taꞌan ya yóꞌó ―káchi Jesús xiꞌin nda.

San Marcos 7:9

Saa ndi̱kaꞌan ka ra xiꞌin nda, káchi ra saa: ―Ni köo kíꞌin ndo kuenta xaꞌa ya káꞌan Ndioxi, kíꞌin ka ndo kuenta xaꞌa ichí ya si̱ndoo xii yo.

Los Hechos 21:21

Ta xi̱ni soꞌo sava na ya sínaꞌa un na judío na ndóo tañu na köo kuu judío ya ná kändixa ka na ley ya ta̱a ra Moisés. Saa káꞌan un xiꞌin na ya köo xíniñuꞌu ka na ndikunuu tuni Ndioxi na ta ni ná xäa súvi ka na ley ya ta̱a ra Moisés, káchi un, che.

Los Hechos 21:24

Ta vaꞌa kundaka un nda kuꞌun nda xiꞌin un yeꞌe veꞌe ñuꞌu nuu chaꞌvi un nuu nda ya ná ndixata lúu nda xiní nda nuu xáa súvi nda ya ki̱ndoo nda xiꞌin Ndioxi, ya ndu̱u i̱í nda nuu ra. Saa kundaa ini na süvi ya ndaa kua xi̱ni soꞌo na xaꞌa un, chi ni mií un ta xáa súvi ndiꞌi va un ya káꞌan ley ya ta̱a ra Moisés.

ROMANOS 4:12

Ta saa tu mií yo judío, yo íyo tuni Ndioxi, seꞌe ñani sikua ra Abraham ku tu mií va yo, tá tu kándixa yo Ndioxi tá kuꞌva ka̱ndixa ñaꞌa ra. Ta kuꞌva saa ná kandixa yo Ndioxi tá kuꞌva ka̱ndixa mií ra yachi tá täꞌan ka kuu mií ra tuni Ndioxi.

Gálatas 1:14

Ta yeꞌe ku iin ra ndee ni vaꞌa ku̱chiñu nuu nda kuâán taꞌan i tiempo ikán. Ndee ni ndee ndi̱xiyo i nuu nda, xi̱nuu i nuu ndiꞌi nda ikán xaꞌa ya ndee ni vaꞌa si̱xinu ndiꞌi i chiñu ya xa̱ꞌnda chiñu xii sikua nde na judío xinaꞌa.

2 Tesalonicenses 3:11

Chi ku̱ndaa ini nde xaꞌa sava ndo ya köo xíin ndo xaa chiñu ndo, saa íin ndo ndóo mií ndo ni köo chiñu íkan ndo, takua ndóo xúxan ndo, saa kuaꞌan ndo síndiꞌi ni ndo ini inka naꞌa, káchi na xaꞌa ndo.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.