San Marcos 7:4 - Xochapa Mixteco

⁴ Ni tá ndíko koo na ndi̱xaꞌan na nuu yaꞌvi, ta köo xíxi yachi na, tá tu täꞌan ndoo ndaꞌa na. Ya yóꞌó kua íkan na xiꞌin kuaꞌa ni ka nuu ñaꞌa. Ndíkata na vaso ta ndíkata na kisi xiꞌin ndiꞌi ka ñaꞌa ya kàà xíniñuꞌu na, saa ndíkata na xito nuu xíndoo na kíxi na.

San Marcos 7:4 Mawu Ofanana

San Mateo 23:25

’¡Ndaꞌvi ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! chi tá íin na ndíkata sata vaso xiꞌin sata koꞌo nuu xíxi na, saa íin ndo. Chi vaꞌa ni va náꞌa ndo nuu naꞌa, sundi ini ndo ta iin chútu ndaa ya kuiꞌna xiꞌin ya väꞌa.

San Mateo 23:26

¡Ndoꞌo ni ndóꞌo̱ fariseo, na kuáa̱! Xiꞌna xíniñuꞌu ndo ndikata ndo sata vaso tin ini ya saa nduyaa ya. Ta saa ndóꞌo̱ xiꞌna xíniñuꞌu ndo ndasa vaꞌa ndo ini ndo maa, saa nduu ndo na vaꞌa nuu Ndioxi.

San Mateo 27:24

Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Marcos 7:8

Ta saa ndixa íkan ndo, chi köo xáa ndúvi ndo ya káꞌan Ndioxi xiꞌin ndo, xáa ndúvi ka ndo ya sínaꞌa xii yo, tá kúu ya ndíkata ndo kisi xiꞌin vaso tin inka ka nuu ñaꞌa taꞌan ya yóꞌó ―káchi Jesús xiꞌin nda.

San Juan 2:6

Saa íyo iñu kisi yu̱ú naꞌnu yati nuu íyo Jesús, tá kuꞌva íyo tikuii xíniñuꞌu na judío saa íyo rá chi saa ini na ya xáa súvi na mií na tá kuꞌva káꞌan ley na. Ta iin iin kisi ikán náni kee kumi xiko án nda iin ciento litro tikuii ini ya.

San Juan 3:25

Saa ku̱u ta iin kivi xa̱á sava nda ítaꞌan xiꞌin ra Juan, káni taꞌan nda xiꞌin tuꞌun xiꞌin inka nda judío xaꞌa kuꞌva ya xáa súvi na mií na tá kúu kuꞌva chíchi na xiꞌin ya ndóo ndaꞌa na, ya xáa súvi na ley na, chi saa ini na.

HEBREOS 9:10

Saa chi ndiꞌi ya táxi na ndaꞌa Ndioxi ta káꞌan ya xaꞌa ñaꞌa ya xíxi na xiꞌin nduta xíꞌi na, ta saa tu ndá kuꞌva ndikata na ikin kuñu na ya nduyaa na nuu Ndioxi. Ndiꞌi ya yóꞌó ta köo ndi̱kuchiñu ya ndisama ya nima na. Ta ya yóꞌó kua i̱kan na iin saa nda kivi tá ndisama Ndioxi ya yóꞌó, ta nda saa kua ndi̱niꞌi na inka ya vaꞌa ni ka nuu Ndioxi.

Santiago 4:8

Ta vaꞌa kuyati ndo nuu Ndioxi saa kuyati ra nuu ndo. Ta ndóꞌo̱ íyo kuachi, kukuiin ndo xiꞌin ya väꞌa kéꞌe ndo, ndikata ndo ndaꞌa ndo. Saa tu ndóꞌo̱ uvi ini këꞌe ka ndo saa, ndasa vaꞌa ndo nima ndo ná nduvií ndo.

1 Juan 1:7

Sundi tá tu xíka yo nuu yéꞌe̱ tá kuꞌva íyo Ndioxi nuu yéꞌe̱, ta saa íyo yo iin yuꞌu xiꞌin taꞌan yo. Ta ni̱í Jesucristo Seꞌe Ndioxi ku rá ndíkata ndiꞌi kuachi yo, ndúvaꞌa yo nuu Iva yo Ndioxi.