San Marcos 7:11 - Xochapa Mixteco

¹¹ Sundi ndóꞌo̱ ta köo xáa súvi ndo ya ta̱a ra Moisés, chi táxi ndo káꞌan iin taa xiꞌin iva ra án xiꞌin siꞌí ra: “Küvi chindee i yóꞌo̱, chi ndiꞌi ya kúu mií i ta xa ndi̱soko ndiꞌi i ya nuu Ndioxi”, káchi ra. Ta táxi ndo káꞌan ra saa xiꞌin iva siꞌí ra.

San Marcos 7:11 Mawu Ofanana

San Mateo 15:5

Ta ndóꞌo̱ káꞌan ndo, vaꞌa kaꞌan iin taa xiꞌin iva ra án siꞌí ra, kachi ra saa: “Küvi chindee taꞌan i xiꞌin ndo, saa chi ñaꞌa ya ndíkani ini i taxi i ndaꞌa ndo ta xa ndi̱soko ndiꞌi i ya nuu Ndioxi”, káchi ndo.

San Mateo 23:18

Saa sínaꞌa ndo na, káꞌan ndo: “Tá iin naꞌa chínaꞌa na xaꞌa nama i̱í veꞌe ñuꞌu kaꞌnu, ta köo xíniñuꞌu na xaa súvi na tuꞌun káꞌan na, káchi ndo. Sundi tá chínaꞌa na xaꞌa ya ndi̱soko na íyo nuu nama i̱í veꞌe ñuꞌu, ta xíniñuꞌu na xaa súvi na ya chi̱naꞌa na”, káchi ndo.

San Mateo 27:6

Saa ndi̱kuiso nda sutu ndóso nuu sutu xuꞌun ikán, ta ndi̱kaꞌan nda, káchi nda saa: ―Küvi chivaꞌa yo xuꞌun yóꞌó nuu ndúvaꞌa xuꞌun sóko na veꞌe ñuꞌu. Saa chi ya cha̱ꞌvi yo kuvi iin ndìì kua ―káchi nda xiꞌin taꞌan nda.

San Marcos 7:12

Ta köo táxi ndo chindee taꞌan ra xiꞌin iva ra án siꞌí ra.