San Marcos 5:7 - Xochapa Mixteco

⁷ Iin ndáꞌi koꞌo mií ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús Seꞌe Ndioxi ra kaꞌnu. Xáku ndaꞌvi i nuu un, xäa nduvaꞌa un xiꞌin i ―káchi ra xiꞌin Jesús.

San Marcos 5:7 Mawu Ofanana

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Marcos 1:24

―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.

San Marcos 14:61

Ta nda iin ya köo ndi̱kuiin Jesús, taxiin íyo ra. Saa ndi̱ndakan tuꞌun tuku mií sutu ikán ra, káchi ra saa: ―¿Án yóꞌo̱ ku Cristo, Seꞌe Ndioxi ra chee? ―káchi ra.

San Marcos 3:11

Naꞌa na kúu mií tachi nduvaꞌa, tá xi̱ni na Jesús, ta xa̱á na síkusiti na nuu ra, iin ndáꞌi koꞌo na íkan mií tachi nduvaꞌa ikán, saa káꞌan na: ―¡Yóꞌo̱ kú Seꞌe Ndioxi! ―káchi na xiꞌin ra.

San Marcos 5:6

Saa tá xi̱ni ra Jesús, xíka ka xi̱ni ñaꞌa ra, ñaa xínu ra ndi̱xaa ra si̱kusiti ra nuu ra.

San Marcos 5:8

Saa ndi̱kaꞌan ra kúu mií tachi nduvaꞌa, chi xa yachi vi ndi̱kaꞌan Jesús xiꞌin mií tachi nduvaꞌa ikán, káchi ra saa: ―¡Tachi nduvaꞌa, keta kuáꞌan ta saña un ra yóꞌó ná nduvaꞌa ra! ―ka̱chi ra xiꞌin ya.

San Lucas 1:32

Chi Seꞌe Ndioxi koo ra, ndee ni taa kuu mií ra. Saa kaꞌan na xiꞌin ra: Seꞌe Ndioxi ra kaꞌnu kachi na xiꞌin ra. Chi mií Iva yo Ndioxi ndasa kaꞌnu ni seꞌe un, ta nduu ra rey tá ndi̱xiyo xii sikua ra David saa koo ra.

San Lucas 4:34

―¿Unkua kúni un ikan un xiꞌin nde Jesús ra ñuu Nazaret? ¿Án vaxi un sindiꞌi xaꞌa un ndeꞌe? Saa chi xíni va i yóꞌó. Yóꞌo̱ ku ra i̱í, ra ke̱e nuu Ndioxi ―káchi ri xiꞌin Jesús.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Lucas 8:28

Ñaa tá xi̱ni ra Jesús ta ndi̱xaa ra si̱kusiti ra nuu ra, ndi̱ndaꞌi koꞌo ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús, Seꞌe Ndioxi ra kaꞌnu nuu i. Xáku ndaꞌvi ni i nuu un xäa nduvaꞌa un xiꞌin i ―káchi ra xiꞌin Jesús.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

Los Hechos 16:17

Saa ndi̱kundikun yá sata nde ta xa̱á yá ndáꞌi koꞌo yá, káchi yá saa: ―Nda xáa chiñu nuu Ndioxi, ra chee, ku nda yóꞌó, ta ndítuꞌun nda xiꞌin ndo ichí xaꞌa Ndioxi nuu kaku ndo ―káchi yá xiꞌin na.

Los Hechos 19:13

Saa íyo sava nda judío, xíka nda táva nda tachi nduvaꞌa naꞌa. Ñaa xi̱ni soꞌo nda xaꞌa ya íkan ra Pablo, saa xa̱á kúni nda ikan nda tá íkan ra. Kúni nda tava nda tachi nduvaꞌa xiꞌin kivi Jesús, káchi nda saa: ―Xiꞌin ndee Jesús, ra káꞌan ndoso ra Pablo xaꞌa xáꞌnda chiñu nde nuu ndo, saña ndo na yóꞌó ―káchi nda ikán xiꞌin tachi nduvaꞌa.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

HEBREOS 2:14

Tá kúu seꞌe na iva siꞌí, iin nuu ku ikin kuñu ndiꞌi na ta iin nuu kuu tu nií va na. Ta saa xi̱niñuꞌu Tata yo Jesús ndu̱u ra, ra ivi taꞌan mií yo, ndi̱xiyo ikin kuñu ra ta ku̱u mií ra nií taꞌan yoo, saa ndi̱xiꞌi ra xaꞌa ya ikán kua ku̱chiñu ra si̱ndiꞌi xaꞌa ra ndee kiti nǎꞌa ya xáꞌni ndìì.

HEBREOS 7:1

Ra Melquisedec ta ndi̱xiyo ra rey nuu na ñuu Salem, saa ku̱u tu ra sutu nuu Iva yo Ndioxi ra kaꞌnu ni. Kivi ndi̱ko koo ra Abraham tá ndi̱xaꞌan ra nuu kuachi ka̱ni taꞌan ra xiꞌin inka nda rey, ta ku̱chiñu ra nuu nda rey ikán, saa ke̱ta ra Melquisedec ndi̱kiꞌin ñaꞌa ra, saa chi̱kaa ra ya vaꞌa ra Abraham.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

Judas 1:6

Ta ndikaꞌán tu ini ndo ya kundo̱ꞌo na tatun Ndioxi, na köo ndi̱xaa súvi chiñu ya xa̱ꞌnda chiñu Ndioxi nuu na, si̱ndoo ndaꞌa na chiñu vaꞌa ni ta̱xi ra ndaꞌa na xaa súvi na. Ta xaꞌa ya ikán kua ta̱an ra na veꞌe kàà nuu naá ni, núꞌni na, ta ikán kuñuꞌu na ndiꞌi saa kúu tiempo ya vaxi, ta kundátun na nda ná tindaa kivi nuu yáꞌa ni ndee kuu ya xaa nani Ndioxi kuachi xiꞌin ndiꞌi na ñuu ivi.

El Apocalipsis 12:12

Yakan ¡ná kusini ni ndivi xiꞌin ndóꞌo̱ ndóo nuu ya! ¡Ta ndaꞌvi ni ndóꞌo̱ ndóo ñuu ivi! ¡xiꞌin ndiꞌi kiti táku ini nduta ñûꞌu! Ndaꞌvi ni naꞌa, chi nu̱u kiti nǎꞌa nuu ñuꞌú ta ndixa ni sáa ini ri xíni ñaꞌa ri, chi xa xíni ri siloꞌo ni kivi kúu mií ri ichí ya kaꞌnda chiñu ri, sixinu ri chiñu ya väꞌa. Soꞌva káchi tachi na xi̱ni soꞌo i nuu ndivi.