San Marcos 4:7 - Xochapa Mixteco

⁷ Sava ndikin ikán ndi̱koyo tañu itun iñu, ñaa xa̱ꞌnu ni itun iñu ta si̱nduxin ndiꞌi ñaꞌa nu, ta ni köo mií ka trigo ndítaxi ya.

San Marcos 4:7 Mawu Ofanana

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 13:7

Sava ya ndi̱koyo tañu iñu, tá xa̱ꞌnu nu ikán ta si̱nduxin ñaꞌa nu.

San Mateo 13:8

Sava ya ndi̱koyo nuu ñuꞌú xaꞌan ni, ta kuaꞌa ni trigo ya ka̱na. Sava ya ka̱na nda iin ciento ndikin ya, sava ya ka̱na uni xiko ndikin ya, sava tuku ya ka̱na oko uxi ndikin ya ―káchi Jesús xiꞌin na.

San Marcos 4:6

sundi tá ke̱ta ñu̱ꞌù ta si̱ichi ñaꞌa ya, xaꞌa ya köo tioꞌo ya yakan ndi̱ndichi ya.

San Marcos 4:8

Sundi sava ndikin ikán ndi̱koyo nuu ñuꞌú vaꞌa. Ta saa xa̱ꞌnu vaꞌa ya ta vaꞌa ni ka̱na trigo ya. Sava ya ku̱u mií oko uxi ndikin trigo, ta sava ya ka̱na uni xiko ndikin trigo, sava ya ka̱na nda iin ciento ndikin trigo ―káchi ra xiꞌin na.

San Lucas 12:15

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 8:14

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

San Lucas 8:7

Ta sava kiti siꞌva ndi̱koyo nuu íyo ndikin iñú ta iin káchi ndi̱nduta ya xiꞌin taꞌan ya ta köo ndi̱kuvi kuaꞌnu ya saa chi si̱nduxin ñaꞌa iñú.