San Marcos 4:34 - Xochapa Mixteco

³⁴ Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Marcos 4:34 Mawu Ofanana

San Mateo 13:34

Ndiꞌi ya yóꞌó ndi̱kaꞌan Jesús, si̱naꞌa ra naꞌa xiꞌin tuꞌun ndíchi. Ta köo ndi̱sinaꞌa ra na xiꞌin inka nuu tuꞌun.

San Marcos 4:10

Sindiꞌi tá ndi̱ndoo mií Jesús xiꞌin na ndíta yati xiꞌin ra xiꞌin uxi uvi nda ítaꞌan tuun xiꞌin ra, ta saa ndi̱ndakan tuꞌun ndiꞌi na ra, ndi̱kaꞌan na xiꞌin ra, unkua kúni kachi tuꞌun ndíchi ya ndi̱kaꞌan ra xiꞌin na.

San Marcos 4:33

Soꞌva i̱kan Jesús xi̱niñuꞌu ra kuaꞌa ni nuu tuꞌun ndíchi ya si̱naꞌa ra na xaꞌa ichí nuu xáꞌnda chiñu Ndioxi. Tixin tuꞌun ndíchi si̱naꞌa ra kuaꞌa ni ya nuu na, tá kuꞌva kúchiñu na kundaa ini na saa íyo ya si̱naꞌa ra na.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Juan 10:6

Ya yóꞌó ku iin tuꞌun ndíchi ndi̱kaꞌan Jesús ya sínaꞌa ra na ya kundaa ini na unkua kúni kachi ya, sundi köo ndi̱kundaa ini na.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

Los Hechos 28:23

Ñaa ki̱ndoo na kivi ndá kivi kua ndi̱kaya na kuni soꞌo na kaꞌan ra. Ta kuaꞌa ka vi na ndi̱xaa nuu ra kivi ya ki̱ndoo na. Ñaa xa̱á ra ndítuꞌun ra xiꞌin na nuu ndíkuiin ra xaꞌa ichí ya xáꞌnda chiñu Ndioxi. Nda xitaan xa̱á ra káꞌan ra iin saa nda xikuaa. Síxinu ra ini na ya kundaa ini na xaꞌa Jesús, chi suvi xaꞌa ra kua ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.