San Marcos 4:12 - Xochapa Mixteco

¹² Saa síxinu na ya ndi̱kaꞌan iin ra ndi̱kaꞌan tuꞌun yuꞌu Ndioxi xinaꞌa, káchi ra saa: ‘‘Vani xíto ni na, ta küchiñu na kuni na ya ndaa, vani xíni soꞌo ni na, ta köo kúchiñu na kundaa ini na ya ndaa. Yakan köo ndíko koo ini na xaꞌa kuachi na, ta ni Ndioxi xäa kaꞌnu ini ra xaꞌa kuachi na’’, káchi ra ndi̱kaꞌan tuꞌun yuꞌu Ndioxi ikán ―káchi Jesús xiꞌin na.

San Marcos 4:12 Mawu Ofanana

San Marcos 8:18

Íyo nduchi nuu ndo, ta köo xíto ndo, íyo soꞌo ndo ta köo xíni soꞌo ndo. ¿Án köo ñúꞌu ini ndo ya i̱kan i?

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

2 Timoteo 2:25

Ta vaꞌa vií ndikani un nuu naꞌa, na köo xíin kandixa tuꞌun Ndioxi, án sana niꞌi na ya vaꞌa nuu Ndioxi ta ndisama nima na, ya ná kundaa ini na xaꞌa ya ndaa.

HEBREOS 6:6

Xaꞌa ya íkan kua küvi ka ndiko koo tuku ini na, chi tá ná ikan tuku na saa, ta tá íin na xáꞌni tuku Seꞌe Ndioxi nuu cruzin va saa íin na, chi kúsiki ndaa na ra nuu ndiꞌi naꞌa.