San Marcos 4:11 - Xochapa Mixteco

¹¹ Saa ndi̱kuiin Jesús ndi̱kaꞌan ra xiꞌin na, káchi ra saa: ―Ndioxi táxi ra kundaa ini ndo xaꞌa ya íyo sěꞌe nuu xáꞌnda chiñu ra. Sundi na íyo chí keꞌe ta köo kúndaa ini na xiꞌin ya chi ndisaa tuꞌun ndíchi va kua xíni soꞌo na káꞌan i.

San Marcos 4:11 Mawu Ofanana

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 13:16

’Sundi ndóꞌo̱, ta kusini ni ndo, chi xíto ndo ya íkan i, ta xíni soꞌo ndo ya káꞌan i xiꞌin ndo.

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Marcos 3:23

Saa ku̱ndaa ini Jesús, ta ñaa ka̱na ra nda, káꞌan ra xiꞌin nda iin tuꞌun ndíchi, káchi ra saa: ―¿Án kúchiñu kiti Satanás, kiti nǎꞌa, síndiꞌi xaꞌa taꞌan mií ri, túvi ndo?

San Marcos 4:10

Sindiꞌi tá ndi̱ndoo mií Jesús xiꞌin na ndíta yati xiꞌin ra xiꞌin uxi uvi nda ítaꞌan tuun xiꞌin ra, ta saa ndi̱ndakan tuꞌun ndiꞌi na ra, ndi̱kaꞌan na xiꞌin ra, unkua kúni kachi tuꞌun ndíchi ya ndi̱kaꞌan ra xiꞌin na.

San Marcos 4:2

Saa xa̱á ra sínaꞌa ra na kuaꞌa ni tuꞌun ndíchi, káchi ra saa:

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

1 Corintios 4:7

Ta ¿ndachu ndíkani ini ndo, vaꞌa ni ka mií ndo nuu inka naꞌa, túvi ndo? Ndiꞌi ñaꞌa ya kúu mií ndo ta Ndioxi ku ra ta̱xi ya ndaꞌa ndo. Süvi mií ndo ndínduku ya yakan kütai ni ini ndo xiꞌin ya.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

Efesios 1:9

Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

1 Tesalonicenses 4:12

Tá íkan ndo saa xáa súvi ndo ya káꞌan nde xiꞌin ndo, ta köo xíniñuꞌu ndo nduku ndo ya xíniñuꞌu ndo nuu inka naꞌa. Ni naꞌa, na köo xíni Ndioxi ta chinuu vaꞌa ni na tuꞌun ndo.

1 Timoteo 3:7

Ta vaꞌa ná ikan nda nina ya vaꞌa, ta nda naꞌa, na köo xíni tuꞌun Ndioxi ta kaꞌan vaꞌa na xaꞌa nda. Tá tu íkan nda saa ta ndíkasi nda yuꞌu naꞌa ya köo ya niꞌí na kaꞌan na xaꞌa nda, ta ni kiti nǎꞌa küchiñu ri sikoyo ri nda nuu kuachi.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.