San Marcos 3:7 - Xochapa Mixteco

⁷ Saa ke̱e Jesús kuaꞌan ra chí yuꞌu nduta ñûꞌu xiꞌin nda ítaꞌan xiꞌin ra, ta kuaꞌá ka vi na ke̱e ndiꞌi ni kúu ñuu estado Galilea kuaꞌan sata ra.

San Marcos 3:7 Mawu Ofanana

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 12:16

Ñaa ndi̱kaꞌan ni ra xiꞌin na, ya ná ndïtuꞌun na xiꞌin nda iin naꞌa xaꞌa ra.

San Mateo 4:25

Ta kuaꞌa ni na ke̱e estado Galilea xiꞌin na ke̱e ñuu náni Decápolis, na ke̱e ñuu Jerusalén xiꞌin ñuu ya ñúꞌu estado Judea xiꞌin na ke̱e inka ñaꞌñu yuꞌu nduta ita Jordán, ndi̱kitaꞌan na kuaꞌan na sata Jesús.

San Marcos 1:39

Saa xa̱á ra xíka ra ndiꞌi kúu veꞌe ñuꞌu sinagoga ya ñúꞌu estado Galilea. Xíka ra káꞌan ndoso ra tuꞌun Ndioxi, saa táva tu ra tachi nduvaꞌa ya ndóꞌo naꞌa va.

San Marcos 1:45

Saa ke̱e ra ikán kuaꞌan ra, sundi köo ndi̱xaa ndúvi ra ya ndi̱kaꞌan Jesús xiꞌin ra. Saa chi tá kuaꞌan ra ichí, ta xa̱á ra ndítuꞌun ndiꞌi ra xiꞌin na ya si̱ndaꞌa Jesús ra. Xaꞌa ya ikán kua köo ndi̱kuchiñu ka kiꞌvi Jesús nda iin ñuu. Ndá nuu ñuu, nuu köo naꞌa kua xíka ra. Ta saa ni kuaꞌan ni naꞌa nuu ra, ndiꞌi kúu ñaꞌñu kée na xáa nuu ra.

San Marcos 3:20

Saa ndi̱kitaꞌan tuku naꞌa, kuaꞌa ka vi ku na ndi̱kitaꞌan nuu ra, nda nuu kuxi ra xiꞌin nda ítaꞌan xiꞌin ra küvi.

San Marcos 4:1

Saa xa̱á tuku Jesús sínaꞌa ra yuꞌu nduta ñûꞌu ikán. Ta kuaꞌa ni naꞌa ndixaa nuu ra, yakan nda̱a ra sata iin barco tun ndíkaa ini nduta ñûꞌu. Sata nu ikán ndi̱kunduꞌu koo ra sínaꞌa ra na ndíta yuꞌu rá.

San Lucas 23:5

Ñaa iin káchi ndi̱kuiin ndiꞌi na káꞌan na xiꞌin ra Pilato, káchi na saa: ―Ra chúꞌun naꞌa ku ra ñaa, ta chíkaa ra yuꞌu na ya kanitaꞌan na xiꞌin na chiñu. Ndiꞌi ni kúu ñuu estado Galilea xiꞌin estado Judea ndi̱xika ra sínaꞌa ra, ta vitin nda ñuu Jerusalén yóꞌó xa̱a ra íkan ra saa ―káchi na xiꞌin ra Pilato.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 6:17

Tá ndi̱ko koo Jesús xiꞌin nda ítaꞌan xiꞌin ra. Ñaa ndi̱xinu nda iin yoso, ta ikán ndi̱kitaꞌan na ndíkun sata ra ndóo na ndátun ñaꞌa na. Saa ndóo kuaꞌa ni tu na ki̱xi ñuu Jerusalén xiꞌin na ki̱xi inka ñuu ya ñúꞌu estado Judea, xiꞌin na ki̱xi ñuu ya ñúꞌu yati yuꞌu nduta ñûꞌu ñuu Tiro tin na ki̱xi ñuu Sidón. Ndóo na ndátun ñaꞌa na chi kúni na kuni soꞌo na ya káꞌan ra, sava na kúni sindaꞌa ra na xiꞌin kueꞌe ya ndóꞌo na.

San Juan 7:41

Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

Los Hechos 17:10

Saa ndikun ta̱va ñǔu na ndíkun Jesús ra Pablo xiꞌin ra Silas, ta̱va na nda kuaꞌan nda, nda ñuu Berea. Tá ndi̱xaa soꞌva nda, ta ndi̱kiꞌvi nda ini veꞌe ñuꞌu sinagoga na judío ya íin mi ñuu ikán.

Los Hechos 17:14

Ta kama ni ti̱ꞌvi na ndíkun Jesús ra Pablo ke̱e ra kuaꞌan ra inka ñaꞌñu chí nuu ndíkaa nduta ñûꞌu. Ta ndi̱ndoo ra Silas xiꞌin ra Timoteo ñuu Berea ikán.