San Marcos 3:12 - Xochapa Mixteco

¹² Saa ndee ni ndi̱kaꞌan Jesús xiꞌin ya xa̱ꞌnda chiñu ra nuu ya, ya ná käꞌan ya xaꞌa ra nuu chútu naꞌa, ya kúu ra Seꞌe Ndioxi.

San Marcos 3:12 Mawu Ofanana

San Mateo 12:16

Ñaa ndi̱kaꞌan ni ra xiꞌin na, ya ná ndïtuꞌun na xiꞌin nda iin naꞌa xaꞌa ra.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Mateo 9:30

Ñaa ndu̱vaꞌa uvi saa nda, ndi̱xuna nuu nda. Saa ndi̱kaꞌan Jesús xiꞌin nda, káchi ra saa: ―Kuenta ni koo ndo ndïtuꞌun ndo xiꞌin nda iin naꞌa ndá kuꞌva ndu̱vaꞌa ndo ―káchi ra xiꞌin nda.

San Marcos 1:25

Saa ndi̱kuiin Jesús ndi̱ndaꞌi ra xiꞌin tachi ikán, káchi ra saa: ―Kutaxin yuꞌu un, ta keta kuáꞌan ―káchi ra xiꞌin ya.

San Marcos 1:34

Kuaꞌa ni nuu kueꞌe kúu mií na ndi̱xaa nuu ra, ta sava na kúu mií tachi nduvaꞌa, ta iin si̱ndaꞌa ndiꞌi ra na. Ta̱va ndiꞌi ra tachi nduvaꞌa ku̱u mií na, ta köo ndi̱taxi ra kaꞌan tachi nduvaꞌa, saa chi xa xíni vaꞌa ya kúu ra Seꞌe Ndioxi.

Los Hechos 16:18

Kuaꞌa ka kivi íkan yá saa xiꞌin nde. Ñaa xa̱á sáa ra Pablo xiꞌin yá ta ndi̱ko koo ra ndi̱kaꞌan ra xiꞌin tachi nduvaꞌa kúu mií yá, káchi ra saa: ―Xiꞌin ndee Jesucristo xáꞌnda chiñu i nuu un, vaꞌa keta kuaꞌan ―káchi ra xiꞌin ya. Ta saa ndikun si̱ndoo ñaꞌa ya.