San Marcos 3:10 - Xochapa Mixteco

¹⁰ Kuaꞌa ka vi naꞌa si̱ndaꞌa ra, yakan ndiꞌi na kúꞌvi ta ndakua iin chíndaꞌa taꞌan mií na ya kúni na tindaa ñaꞌa na, ta saa nduvaꞌa na ikan ra.

San Marcos 3:10 Mawu Ofanana

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 14:36

Xíkan na ya mani nuu ra ya ná taxi ra tiin ndaa na án nda loꞌo yuꞌu toto ra, ta ndiꞌi mií na ti̱in ndaa ñaꞌa, ndu̱vaꞌa ndiꞌi na.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Marcos 5:34

Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

San Marcos 6:56

Ndiꞌi kúu ñaꞌñu nuu xáa Jesús, ñuu naꞌnu kua, ñuu vali kua, iku kua, ndiꞌi nuu xáa ra ta chíndoo naꞌa na kúꞌvi ichí, saa xíkan na ya mani nuu ra ya ná taxi ra tiin na án nda loꞌo yuꞌu toto ra ta nduvaꞌa na, káchi na. Ta saa ndixa chi ndiꞌi kúu na ti̱in ndaa ñaꞌa ta ndu̱vaꞌa ndiꞌi na.

San Marcos 8:22

Saa tá ndi̱xaa Jesús ñuu Betsaida, ta ndáka na iin ra kuáa̱ ndi̱xaa xiꞌin na nuu ra. Ta saa xáku ndaꞌvi na nuu Jesús ya ná tiin ndaa loꞌo ñaꞌa ra ta nduvaꞌa ra.

San Lucas 5:3

Saa ndi̱keta Jesús ini iin nu, ta barco ra Simón Pedro, ku nu. Saa ndu̱ku Jesús ya mani nuu ra ya sikutaꞌa loꞌo ka ra nu chí maꞌñu tikuii ya kuchiñu kaꞌan ra xiꞌin ndiꞌi na ndíta yuꞌu tikuii ikán. Ta saa si̱kutaꞌa ra nu. Ñaa ndi̱kunduꞌu Jesús ini nu xa̱á ra sínaꞌa ra.

San Lucas 6:19

Ta ndiꞌi na kúni tiin ndaa ra, saa chi kúu mií ra ndee Ndioxi ya sindaꞌa ra na, saa ndu̱vaꞌa ndiꞌi na i̱kan ra.

San Lucas 7:2

Tá ndi̱xaa ra ñuu Capernaum, ta ikán íyo iin ra ndíso chiñu nuu iin ciento nda lapa ñuu Roma. Saa ki̱ꞌin kueꞌe moso ra, ra ndee ni kúꞌvi ini ra xíni ra, ta xa siloꞌo kuvi ra, yáꞌa ni ndee ndóꞌo ra.

San Lucas 7:21

Ta mi hora ikán, si̱ndaꞌa Jesús kuaꞌa ni na kúꞌvi xiꞌin ndiꞌi nuu kueꞌe, saa si̱ndaꞌa ra na kúu mií tachi nduvaꞌa tin si̱ndaꞌa tu ra na kuáa̱ va.

Los Hechos 5:15

Ta kuaꞌa ni naꞌa táva na taꞌan na, na kúꞌvi, ndóso na nuu xito kuaꞌan na xiꞌin na yuꞌu ichí. Ta ikán kíꞌin ñaꞌa na chíndoo na nuu yáꞌa ra Pedro, chi ndíkani ini na, án nda ndati ra ná kani ndaa sata sava na ta nduvaꞌa na, káchi na.

HEBREOS 12:6

Chi Ndioxi ta síndoꞌo va ra ini naꞌa, na kúꞌvi ni ini ra xíni ra, saa táxi Ndioxi ndóꞌo ni naꞌa, na ndíkuiso ra ndúu seꞌe ra.