San Marcos 2:5 - Xochapa Mixteco

⁵ Ta ku̱ndaa ini Jesús ya ndáa ni ini nda xíni nda ra, saa ndi̱kaꞌan ra xiꞌin ra kúꞌvi ikán, káchi ra saa: ―Seꞌe, xáa kaꞌnu ini i xaꞌa kuachi un ―káchi ra xiꞌin ra.

San Marcos 2:5 Mawu Ofanana

San Mateo 9:2

Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Mateo 9:22

Saa ndi̱ko koo Jesús ndi̱koto ra sata ra, ta xi̱ni ra yá, saa ndi̱kaꞌan ra xiꞌin yá, káchi ra saa: ―Nana kündiꞌi ini un, xa ndu̱vaꞌa un saa chi kándixa un Ndioxi ―káchi ra xiꞌin yá. Nda kivi saa ndu̱vaꞌa vaꞌa yá.

San Mateo 9:5

¿Unkua uꞌvi ka kaꞌan i xiꞌin ra küvi kaka yóꞌó: “Án uꞌvi ka kaꞌan i xiꞌin ra ndíkata i kuachi ra, án uꞌvi ka kaꞌan i xiꞌin ra ndikoo ra kaka ra”?

San Marcos 2:6

Saa ndóo sava nda maestro, nda sínaꞌa ley ya ta̱a ra Moisés, ta xíka ini nda káchi nda saa:

San Marcos 5:34

Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

San Lucas 5:20

Ta saa ku̱ndaa ini Jesús ya kándixa nda ra kuchiñu ra sindaꞌa ñaꞌa ra. Ñaa ndi̱kaꞌan ra xiꞌin ra kánduꞌu nuu xito ikán, káchi ra saa: ―Tata, xáa kaꞌnu ini i xaꞌa kuachi un ―káchi ra xiꞌin ra.

San Lucas 8:48

Ta saa ndi̱kaꞌan Jesús xiꞌin yá, káchi ra saa: ―Siꞌi, ndu̱vaꞌa un chi ndáa ni ini un xíni un yeꞌe. Ta vitin kuanuꞌu ta kündiꞌi ka ini un ―káchi ra xiꞌin yá.

San Juan 2:25

Köo ndi̱xiniñuꞌu Jesús kuni soꞌo ra ya kaꞌan inka naꞌa xiꞌin ra xaꞌa na ivi yóꞌó, saa chi xa xíni vaꞌa va mií ra ini na.

San Juan 5:14

Sindiꞌi ta ndi̱taꞌan Jesús ra ini veꞌe ñuꞌu, saa ndi̱kaꞌan ra xiꞌin ra: ―Koto un, vitin xa ndu̱vaꞌa un, ta ïkan ka un ndá ya ka ya väꞌa, saa chi koto ka ndoꞌo un ndá ka iin ya ndee vaꞌa ka ―káchi Jesús xiꞌin ra.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

Los Hechos 14:9

Ta saa índuꞌu ra xíni soꞌo ra ya káꞌan ra Pablo. Ñaa ndi̱koto vaꞌa ra Pablo nuu ra, saa xi̱ni ra ya kándixa ñaꞌa ra kuchiñu ndaꞌa ra.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

1 Corintios 11:30

Xaꞌa ya ñaa kua íyo kuaꞌa ni na kúꞌvi tañu ndo, ta sava na vita ni kúni na, ta sava tuku na xa ndi̱xiꞌi va.

2 Corintios 2:10

Vaꞌa ná kundaa ini ndo, chi tá xáa kaꞌnu ini ndo xaꞌa kuachi i̱kan ra ñaa, ta saa tu yeꞌe va, xáa kaꞌnu ini i xaꞌa ra, xaꞌa ya i̱kan ra saa xiꞌin ndóꞌo̱ na veꞌe ñuꞌu. Ta nuu Cristo kua íkan i saa, xáa kaꞌnu ini i xaꞌa ra, xaꞌa ya kúꞌvi ni ini i xíni i ndóꞌo̱.

Efesios 2:8

Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

Colosenses 3:13

Ta säa ndo xiꞌin taꞌan ndo, kaꞌnu koo ini ndo xiꞌin taꞌan ndo. Tá ndá naꞌa íkan ya väꞌa xiꞌin ndo ta vaꞌa xaa kaꞌnu ini ndo xaꞌa na, tá kuꞌva i̱kan Tata yo xiꞌin ndo, xa̱a kaꞌnu ini ra xaꞌa ndo, saa ikan ndo.

Santiago 5:15

Tá ndáa ni ini mií na xikuaꞌa ikán Ndioxi ta sinduvaꞌa ra mií na kúꞌvi, nduvaꞌa na. Saa tá ndá ya väꞌa i̱kan na ta xaa kaꞌnu ini Ndioxi xaꞌa kuachi na.