San Marcos 2:2 - Xochapa Mixteco

² ñaa ndi̱kutu ndaa tuku na, ni köo nani koo na ini veꞌe, nda keꞌe chu̱tu ndaa na. Ta saa káꞌan ndoso Jesús tuꞌun Ndioxi xiꞌin na.

San Marcos 2:2 Mawu Ofanana

San Mateo 5:2

Saa xa̱á Jesús sínaꞌa ra na, káchi ra saa:

San Marcos 1:14

Sindiꞌi tá chi̱kaa ra Herodes ra Juan veꞌe kàà, saa ke̱e Jesús kuaꞌan ra estado Galilea kaꞌan ra tuꞌun vaꞌa xaꞌa Ndioxi ndá kuꞌva kua kaꞌnda chiñu ra.

San Marcos 1:33

Ta iin chu̱tu ndaa na ñuu yeꞌe veꞌe ra Simón.

San Marcos 1:37

Tá ndi̱taꞌan nda ra saa ndi̱kaꞌan nda xiꞌin ra, káchi nda saa: ―Tata, ndiꞌi kúu na xíka ndúku yóꞌo̱ ―káchi nda xiꞌin ra.

San Marcos 1:45

Saa ke̱e ra ikán kuaꞌan ra, sundi köo ndi̱xaa ndúvi ra ya ndi̱kaꞌan Jesús xiꞌin ra. Saa chi tá kuaꞌan ra ichí, ta xa̱á ra ndítuꞌun ndiꞌi ra xiꞌin na ya si̱ndaꞌa Jesús ra. Xaꞌa ya ikán kua köo ndi̱kuchiñu ka kiꞌvi Jesús nda iin ñuu. Ndá nuu ñuu, nuu köo naꞌa kua xíka ra. Ta saa ni kuaꞌan ni naꞌa nuu ra, ndiꞌi kúu ñaꞌñu kée na xáa nuu ra.

San Marcos 2:1

Saa ku̱u ndi̱yaꞌa sava kivi, ta ndi̱ko koo tuku Jesús ñuu Capernaum. Saa ku̱ndaa ini na ya íyo ra veꞌe,

San Marcos 2:13

Saa ku̱u nuu ndi̱kiꞌin tuku Jesús kuaꞌan ra yuꞌu nduta ñûꞌu Galilea, ta iin taꞌnda chee naꞌa ndi̱xaa nuu ra. Saa xa̱á ra sínaꞌa ra na tuꞌun Ndioxi.

San Marcos 6:34

núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 5:17

Iin kivi íyo Jesús sínaꞌa ra naꞌa, ta ndóo sava nda fariseo xiꞌin nda ndíchi ni, nda sínaꞌa ley Ndioxi ya ta̱a ra Moisés. Ta sava nda ke̱e ñuu ya ñúꞌu estado Galilea xiꞌin ñuu Jerusalén tin inka ka ñuu ya ñúꞌu estado Judea, ndóo ndiꞌi nda xíni soꞌo nda ya káꞌan Jesús. Ta kúu mií Jesús ndee Ndioxi ya sindaꞌa ra naꞌa.

San Lucas 8:1

Sindiꞌi ikán ke̱e Jesús kuaꞌan ra iin iin ñuu naꞌnu tin ñuu vali, kuaꞌan ra ndítuꞌun ra xiꞌin na, káꞌan ndoso ra tuꞌun vaꞌa xaꞌa kuꞌva xáꞌnda chiñu Ndioxi. Ta kuaꞌan uxi uvi saa nda ítaꞌan xiꞌin ra.

San Lucas 8:11

Ta soꞌva káchi tuꞌun ndíchi yóꞌó: ―Siꞌva ri ndi̱xita yava ikán ku tuꞌun Ndioxi.

Los Hechos 11:19

Tá kivi xa̱ꞌni na chiñu ra Esteban, ta saa ku nu xa̱á ndóꞌo ni na ndíkun Jesús, xaꞌa ya ikán kua ndi̱xita ndiꞌi na kuaꞌan na. Ta sava na ikán xi̱nu na kuaꞌan na chí estado Fenicia xiꞌin ñuu Chipre tin ñuu Antioquía. Ta iin iin ñuu nuu kuaꞌan na ndítuꞌun na tuꞌun vaꞌa xaꞌa Ndioxi. Ndisaa xiꞌin na judío ndítuꞌun na köo ndítuꞌun na xiꞌin inka naꞌa.

Los Hechos 14:25

Ta ikán ndíkaa ñuu Perge ñaa ndi̱kaꞌan ndoso nda tuꞌun Ndioxi xiꞌin na ñuu ikán. Sindiꞌi ikán ke̱e nda kuaꞌan nda ñuu Atalia.

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.

Los Hechos 8:25

Sindiꞌi tá ndi̱kaꞌan ndoso ra Pedro xiꞌin ra Juan tuꞌun vaꞌa xaꞌa Jesús ya ti̱ꞌvi Ndioxi ra ki̱xi ra sikaku ra yo ñuu ivi yóꞌó, ta ndi̱xika nda mií ñuu Samaria ndi̱tuꞌun nda xiꞌin naꞌa. Ta saa ndi̱ko koo tuku nda kuaꞌan nda ñuu Jerusalén, ta ndítuꞌun nda xiꞌin ndiꞌi na ndóo ñuu vali nuu yáꞌa nda kuaꞌan nda ichí.

ROMANOS 10:8

Saa chi tuꞌun Ndioxi káchi ya saa: “Yati ni íyo tuꞌun Ndioxi xiꞌin un. Yati ka vi íyo ya yuꞌu un xiꞌin nima un”, káchi tuꞌun Ndioxi ya ta̱a na xinaꞌa. Ta ya ikán ku ya káꞌan ndoso nde xaꞌa xiꞌin un vitin, ndá kuꞌva kandixa un Jesucristo ta ndikundikun un ichí ra.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.