San Marcos 2:11 - Xochapa Mixteco

¹¹ ―Vitin káꞌan i xiꞌin un, kuándikoo, ndikiꞌin un xito un ta kuánuꞌu veꞌe un ―káchi ra xiꞌin ra.

San Marcos 2:11 Mawu Ofanana

San Marcos 1:41

Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Marcos 2:10

Vaꞌa vitin kuni ndo, yeꞌe ku Taa ra xa̱a ñuu ivi yóꞌó, ta kúu mií i ichí ya xaa kaꞌnu ini i xaꞌa kuachi na ivi ―káchi ra xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa:

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Juan 6:63

Saa ndi̱kaꞌan ka ra xiꞌin na, káchi ra saa: ―Iindaa Tachi Ndioxi ku ya kúu mií ndee táxi ya kutaku naꞌa, ta nda iin na ñuu ivi köo kúu mií ndee ya taxi na kutaku naꞌa. Ta ndiꞌi tuꞌun ya ndi̱kaꞌan i xiꞌin ndo, ku tuꞌun Tachi Ndioxi ta kúu mií ya ndee táxi ya táku ndo.