San Marcos 16:1 - Xochapa Mixteco

¹ Tá ndi̱yaꞌa kivi ndíkundee na ta sa̱ta yá María Magdalena xiꞌin yá Salomé xiꞌin yá María siꞌí ra Jacobo, sa̱ta ná nduta tami xáꞌan kuaꞌan xiꞌin ná ndiyakun ná ikin kuñu Jesús.

San Marcos 16:1 Mawu Ofanana

San Marcos 14:3

Saa iin kivi íyo Jesús ñuu Betania veꞌe ra Simón, ra ndo̱ꞌo kueꞌe táꞌi ya nani lepra. Káꞌan na xiꞌin ra “ra táꞌi”. Saa índuꞌu koo Jesús nuu mesa veꞌe ra ikán ta ndi̱xaa iin ñaꞌa, níꞌi yá iin yuyu loꞌo ya ndi̱kuaꞌa xiꞌin yu̱ú náni alabastro ta iin chútu ndaa nduta tami xáꞌan ini ya ndi̱xaa xiꞌin yá, ta ndinuꞌu iku nardo ndi̱kuaꞌa rá, ta yaꞌvi ni rá ikán. Saa ta̱ꞌvi yá sukun ya, ta ki̱ꞌin yá rá ndi̱koyo ndee ndiꞌi yá xiní Jesús.

San Marcos 14:8

Ta yá yóꞌó i̱kan yá ya vaꞌa xiꞌin i nda nuu xíto yá kéta ndaꞌa yá. Vaꞌa ni ya i̱kan yá xiꞌin i, chi ndi̱koyo ndee yá nduta tami xáꞌan xiní i, xa̱a ndúvi yá xiꞌin i ya kuꞌun i nduxin i.

San Marcos 15:40

Saa ndóo xíka tu sava ná ñaꞌa va. Tañu ná ikán ndíkaa yá María Magdalena, xiꞌin yá María siꞌí ra José xiꞌin ra Jacobo ra ku loꞌo, saa ndíchi tu yá Salomé va xiꞌin ná.

San Marcos 15:42

Ta xikuáa kivi vierne kua xáa súvi ndiꞌi na ñaꞌa ya kuniñuꞌu na kivi i̱í ya ndíkundee na.

San Marcos 15:47

Saa ndíchi yá María Magdalena xiꞌin yá María siꞌí ra José, ndíta ná xíto ná nuu sínduxin na Jesús.

San Marcos 16:2

Ta naꞌa ni kivi núnu̱ú xaꞌa semana, kivi domingo, sikan vaxi kéta ñu̱ꞌù, kuaꞌan ná nuu ndi̱nduxin Jesús.

San Marcos 16:8

Saa ka̱na koo ná kuaꞌan ná, ndá kísi ni̱nù yá ná kuaꞌan ná, chi ndi̱ndiꞌvi ni ná, ta nda iin naꞌa köo ndi̱kaꞌan ná xiꞌin xaꞌa ya íꞌvi ná.

San Lucas 23:54

Ta kua kivi vierne tá xáa ndúvi na judío ndiꞌi ñaꞌa ya kuniñuꞌu na chi mí xikuaa ikán kua xáa kivi ya ndíkundee na.

San Lucas 23:56

Tá ndi̱ꞌi xi̱ni ná nuu chi̱kaa ñaꞌa ra, ta saa ndi̱ko koo ná kuanuꞌu ná sikuaꞌa ná nduta tami xaꞌan xiꞌin tatan ya tami xaꞌan chikaa ná ikin kuñu ra. Saa ndi̱kundee ná kivi ndíkundee na tá káchi ley Ndioxi ya ta̱a ra Moisés.

San Lucas 24:1

Saa ku̱u kivi núnu̱ú xaꞌa semana, kivi domingo, naꞌa ni ke̱e ná síꞌi kuaꞌan ná xiꞌin nduta tami xáꞌan si̱kuaꞌa ná, chikaa ná ikin kuñu Jesús. Saa kuaꞌan tu inka ná ñaꞌa va xiꞌin ná.

San Juan 19:25

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.

San Juan 19:31

Ta mi kivi ya kána viko pascua kua ikán, ta xáa súvi tu na kivi ndíkundee na kivi ií ni nuu na. Yakan köo ndi̱xiin na judío ndoo ikin kuñu nda kundoso ya nuu cruzin, xaꞌa ya kúu ya kivi i̱í ni. Ta xaꞌa ya ikán kua ndi̱xaꞌan na ndu̱ku na ya mani nuu ra Pilato, ya ná kaꞌnda ra chiñu ya kaꞌnu na siꞌin nda. Ta saa kuvi kama nda, ta ndundaa ikin kuñu nda nuu cruzin.