San Marcos 13:9 - Xochapa Mixteco

⁹ ’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.

San Marcos 13:9 Mawu Ofanana

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Marcos 1:44

―Kuáꞌan, ta nda iin naꞌa käꞌan un xiꞌin ya si̱ndaꞌa i yóꞌo̱. Iin ndaku kuꞌun un nuu sutu ná koto ra yóꞌo̱ ya ndu̱vaꞌa un. Ta kuniꞌi un ñaꞌa taxi un ndaꞌa ra, ya xaa ndúvi un ya káꞌan ley Ndioxi ya ta̱a ra Moisés. Tá si̱ndiꞌi un xa̱a ndúvi ndiꞌi un ya ikán, saa kundaa ini ndiꞌi na ya ndu̱vaꞌa un ―káchi ra xiꞌin ra.

San Marcos 13:5

Saa ndi̱kuiin ra, káꞌan ra xiꞌin nda: ―Kuenta ni koo ndo, täxi ndo sindaꞌvi ndá ka naꞌa ndóꞌo̱.

San Marcos 13:8

Kivi ya vaxi ta ndikuita na ñuu naꞌnu kani taꞌan na xiꞌin inka na ñuu naꞌnu, saa ñuu nuu xáꞌnda chiñu nda rey ndikuita na kani taꞌan na xiꞌin inka ñuu nuu xáꞌnda chiñu inka nda rey. Ta kuaꞌa ni ñuu taan, saa koo tama, ta kani taꞌan ni naꞌa xiꞌin taꞌan na. Ta ndiꞌi tindoꞌo yóꞌó ya ndee ni tíxuꞌvi na ta ya sikan xa̱á va kua.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Lucas 9:5

Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

San Juan 16:2

Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.

Los Hechos 21:11

Ndi̱xaa ra xíto ra ndeꞌe. Tá ndi̱xaa ra, ta ti̱in ra cinturón ra Pablo, ka̱va nuu ra sukun ndaꞌa ra tin sukun xaꞌa ra, saa xa̱á ra káꞌan ra: ―Soꞌva káchi Tachi I̱í Ndioxi xaꞌa ra xíin iín toko ya yóꞌó, tá kuꞌva i̱kan i xiꞌin cinturón ra, saa ikan na judío xiꞌin ra tá ná xaa ra ñuu Jerusalén. Katun na ndaꞌa ra tin xaꞌa ra, saa ndi̱taxi na ra ndaꞌa naꞌa na köo kúu judío, káchi Tachi I̱í Ndioxi ―káchi ra Agabo ikán xiꞌin nde.

Los Hechos 7:54

Tá xi̱ni soꞌo na ya ndi̱kaꞌan ra Esteban xiꞌin na ta kini ni ndi̱saa na xiꞌin ra, ndakua ndíkaxi nuꞌu na xíto na nuu ra.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

Filipenses 1:29

Ta mií Ndioxi ku ra chi̱kaa ya vaꞌa ndóꞌo̱ ya kandixa ndo Cristo xiꞌin ya ndoꞌo ni ndo xaꞌa ra.

2 Tesalonicenses 1:5

Ta xaꞌa tindoꞌo ya ndóꞌo ndo kua sínaꞌa yoo ya ndee ni ndaa ini Ndioxi, chi ndása vaꞌa ra ndóꞌo̱ ya kuchiñu ndo koo ndo xiꞌin ra nuu xáꞌnda chiñu ra, ta xaꞌa ya ñaa kua ndóꞌo ni ndo vitin.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 2:13

Ta xíni ndiꞌi i ya íkan ndo, saa xíni i ya ndóo ndo ñuu nuu xáꞌnda chiñu kiti nǎꞌa náni Satanás. Ni saa va, sundi ndóꞌo̱, ta nda iin kivi köo síndoo ndo ichí i. Kándixa ni ndo yeꞌe. Ni tá xa̱ꞌni na ra Antipas taꞌan ndo, ra ndee ni xi̱ndikun yeꞌe, xaꞌa ya ikán kua xa̱ꞌni na ra. Chi ñuu nuu ndóo ndo ñaa, ta kiti nǎꞌa, kiti Satanás va ku ri xáꞌnda chiñu nuu ya.