San Marcos 13:6 - Xochapa Mixteco

⁶ Saa chi kuaꞌa ni taa kixi, ta ndikiꞌin nda nuu i sindaꞌvi nda ndóꞌo̱, kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi vaxi sikaku na ñuu ivi”, kachi nda xiꞌin ndo. Ta kuaꞌa ni naꞌa sindaꞌvi nda.

San Marcos 13:6 Mawu Ofanana

San Mateo 24:11

Ta kuaꞌa ni nda profeta vata kana koo, saa sindaꞌvi ni nda naꞌa.

San Mateo 24:5

Saa chi kuaꞌa ni nda taa kixi ta kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi sikaku na ñuu ivi yóꞌó”, kachi nda xiꞌin ndo, ta kuaꞌa ni naꞌa sindaꞌvi nda.

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

San Marcos 13:5

Saa ndi̱kuiin ra, káꞌan ra xiꞌin nda: ―Kuenta ni koo ndo, täxi ndo sindaꞌvi ndá ka naꞌa ndóꞌo̱.

San Marcos 13:7

’Saa tá xa̱á xíni soꞌo ndo íyo kuachi ñuu yati án ñuu xika, ta ku ïꞌvi ndo. Saa chi nduxa saa xíniñuꞌu kuu, sundi süvi ya xa ndiꞌi xaꞌa ku ñuu ivi.

San Juan 5:43

Iva i Ndioxi ku ra ti̱ꞌvi yeꞌe vaxi i ñuu ivi yóꞌó, ta ndóꞌo̱ köo xíin ndo kandixa ndo yeꞌe. Sundi tá tu inka ra ná kixi tixin ndee mií ra, ta kandixa va ndo ra ikán.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.