San Marcos 13:3 - Xochapa Mixteco

³ Saa ndi̱kiꞌin nda kuaꞌan nda chí xiki itun Olivo, ya xíto ndaa veꞌe ñuꞌu kaꞌnu. Tá ndi̱xaa nda ikán saa ndi̱kunduꞌu koo Jesús. Ñaa ndi̱kaꞌan ra Pedro xiꞌin ra Jacobo tin ra Juan xiꞌin ra Andrés, ndi̱ndakan tuꞌun siin nda ra, káchi nda saa:

San Marcos 13:3 Mawu Ofanana

San Mateo 13:10

Saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra, káchi nda saa: ―Tata ¿Ndachu sínaꞌa un naꞌa xiꞌin nina tuꞌun ndíchi? ―káchi nda xiꞌin ra.

San Mateo 13:36

Saa nda̱i Jesús naꞌa, ñaa ndi̱kiꞌvi ra ini veꞌe. Saa ku̱yati nda ítaꞌan xiꞌin ra nuu ra, ta ndi̱kaꞌan nda xiꞌin ra, káchi nda saa: ―Tata, ndikani loꞌo un nuu nde unkua kúni kaꞌan tuꞌun ndíchi ya káꞌan xaꞌa iku väꞌa ―káchi nda xiꞌin ra.

San Mateo 17:1

Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra.

San Mateo 21:1

Tá xa kuaꞌan kúyati nda xaa nda ñuu Jerusalén, saa ndi̱xaa nda ñuu Betfagé nuu xiki náni itun Olivo. Saa ndi̱kaꞌan Jesús xiꞌin uvi nda ítaꞌan xiꞌin ra,

San Mateo 24:3

Saa ke̱e nda kuaꞌan nda iku Olivo, ñaa ndi̱kunduꞌu Jesús xiki ikán, ta ku̱yati nda ítaꞌan xiꞌin ra nuu ra káꞌan sěꞌe nda xiꞌin ra, káchi nda saa: ―Tata, kúni nde kaꞌan un xiꞌin nde maa kua kuu saa. ¿Ta ndá seña kua koo tá ná ndiko koo un tin tá ná ndiꞌi xaꞌa ñuu ivi? ―káchi nda xiꞌin ra.

San Marcos 10:35

Iin ichí ndi̱xaa ra Jacobo xiꞌin ra Juan ñani ra, nda seꞌe ra Zebedeo, ndi̱xaa nda nuu Jesús káꞌan nda xiꞌin ra, káchi nda saa: ―Tata Maestro, ndeꞌe ta kúni nde ikan un ya vaꞌa xiꞌin nde, taxi un ya ndúku nde nuu un ndaꞌa nde ―káchi nda xiꞌin ra.

San Marcos 13:4

―Tata, kaꞌan xiꞌin nde, ¿maa kua kuu saa, ta ndá seña kua koo tá xa ku̱yati ndiꞌi xaꞌa veꞌe ñuꞌu kaꞌnu? ―káchi nda xiꞌin ra.

San Marcos 14:33

Saa ke̱e ra kuaꞌan ra xiꞌin ra Pedro tin ra Jacobo xiꞌin ra Juan, ta xa̱á kúsuchi ni ini ra saa ndíꞌi ni ini ra.

San Marcos 4:34

Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Marcos 5:37

Saa ke̱e nda kuaꞌan nda veꞌe ra, ta köo ndi̱taxi ra kuꞌun ndá ka naꞌa xiꞌin ra, ndisaa ra Pedro xiꞌin ra Jacobo tin ra Juan ñani ra, nda ikán ku nda kuaꞌan xiꞌin ra.

San Marcos 9:2

Ndi̱yaꞌa iñu kivi, ta saa ke̱e ra Pedro xiꞌin ra Jacobo tin ra Juan kuaꞌan nda xiꞌin Jesús iin iku sukun ni. Ta ikán xi̱ni nda ndi̱nama nuu ra, ndu̱yeꞌe taxan ra.