San Marcos 12:1 - Xochapa Mixteco

¹ Saa xa̱á Jesús sínaꞌa ra na tixin tuꞌun ndíchi, káchi ra saa: ―Ndi̱xiyo iin taa, ta ndi̱taan ra teꞌe uva nuu ñuꞌú ra saa chi̱kaa ndiꞌi ra corra nuu ya. Ñaa xa̱ta ra yavi xa̱a vií ra nuu kee nduta ti uva koꞌní na. Ta si̱kuaꞌa ra iin torre sukun nuu kuchiñu kundoo na kundaa na ti uva. ’Sindiꞌi ta̱xi too ra ñuꞌú ra ndaꞌa inka naꞌa ta ndi̱kiꞌin ra kuaꞌan xika ra.

San Marcos 12:1 Mawu Ofanana

San Mateo 13:3

Saa xa̱á ra ndítuꞌun ra kuaꞌa ni nuu tuꞌun ndíchi xiꞌin na, sínaꞌa ra na, káchi ra saa: ―Kuni soꞌo ndo ya káꞌan i xiꞌin ndo: Saa ndo̱ꞌo iin ra chíꞌi siꞌva trigo.

San Mateo 21:28

Saa ndi̱kaꞌan ka Jesús xiꞌin nda, káchi ra saa: ―Ta ndóꞌo̱, unkua ndíkani ini ndo xaꞌa ya káꞌan i xiꞌin ndo vitin? Saa ndo̱ꞌo iin taa, ndi̱xiyo uvi seꞌe taa ra. Saa ndi̱kaꞌan ra xiꞌin seꞌe nuu ra, káchi ra saa: “Iva, vitin kuꞌun un xaa chiñu un nuu ñuꞌú yo, nuu íyo kiti uva”, káchi ra.

San Mateo 21:33

Saa ndi̱kaꞌan ka Jesús xiꞌin nda, káchi ra saa: ―Kuni soꞌo ndo inka tuꞌun ndíchi ya sinaꞌa i ndóꞌo̱. Saa ndo̱ꞌo iin taa, ra nditaan teꞌe uva. Ndi̱kasi ndiꞌi ra nuu ñuꞌú ra nuu íyo teꞌe uva ra, ndi̱kasi ra nuu ya xiꞌin corra nama yu̱ú. Ta xa̱ta ra yavi nuu ñuꞌú nuu koꞌni kiti uva, saa si̱kuaꞌa ra iin torre sukun nuu kundoo naꞌa kundaa na kiti uva ra. Ñaa ta̱xi too ra ñuꞌú ra xiꞌin kiti uva ndaꞌa inka naꞌa, ta ke̱e ra kuaꞌan xika ra inka ñuu.

San Mateo 21:34

Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra.

San Mateo 25:14

Saa ndi̱kaꞌan ka Jesús, káchi ra saa: ―Ná ndituꞌun i inka tuꞌun ndíchi xiꞌin ndo, ya kundaa ini ndo ndá kuꞌva koo kaꞌnda chiñu Ndioxi ñuu ivi yóꞌó. Saa ndo̱ꞌo iin ra, ndi̱kani ini ra kuꞌun xíka ra. Ñaa ka̱na ra nda xáa chiñu nuu ra, si̱kuiso chiñu ra nda xiꞌin ndiꞌi ñaꞌa kuika veꞌe ra.

San Marcos 11:33

Ta saa ndi̱kuiin nda, káꞌan nda: ―Köo xíni nde unku ta̱xi ichí ndaꞌa ra ―káchi nda. Saa ndi̱kaꞌan Jesús xiꞌin nda: ―Tá tu saa, ta ni yeꞌe ta käꞌan i xiꞌin ndo unku ta̱xi ichí ndaꞌa i ya íkan i ya yóꞌó ―káchi ra xiꞌin nda.

San Marcos 13:34

Tá íkan iin taa ra ke̱ta kuaꞌan kani inka ñuu saa íkan i xiꞌin ndo. Ra ikán ta káꞌan ra xiꞌin moso ya ná kundaa vaꞌa na veꞌe ra. Táxi ndiꞌi ra chiñu ndaꞌa iin iin na xáa chiñu nuu ra, saa xa̱ꞌnda ra chiñu nuu ra ndáa yeꞌe ra ya ná küsun ra, ná kundito ni ra.

San Marcos 3:23

Saa ku̱ndaa ini Jesús, ta ñaa ka̱na ra nda, káꞌan ra xiꞌin nda iin tuꞌun ndíchi, káchi ra saa: ―¿Án kúchiñu kiti Satanás, kiti nǎꞌa, síndiꞌi xaꞌa taꞌan mií ri, túvi ndo?

San Marcos 4:2

Saa xa̱á ra sínaꞌa ra na kuaꞌa ni tuꞌun ndíchi, káchi ra saa:

San Lucas 15:13

Saa ku̱u ta ndi̱yaꞌa uvi ndaa kivi ta iin ndi̱xiko yaa ra ñaꞌa ya ndi̱niꞌi ra. Saa ndi̱kiꞌin ra kuaꞌan xika ra. Kuaꞌan ra inka ñuu xiꞌin xuꞌun ikán, ta ikán ti̱in ndiꞌi ra ya, iin si̱siki ndikuu mií ra ya.

San Lucas 19:12

Ta saa xa̱á Jesús ndítuꞌun ra xiꞌin na káchi ra: ―Saa ndo̱ꞌo iin taa ra kúu mií chiñu ndee ni. Ke̱e ra kuaꞌan ra inka ñuu nuu taꞌnda xaꞌa ra niꞌi ra chiñu nduu ra rey, ta saa ndiko koo ra kaꞌnda chiñu ra nuu na ñuu ra.

San Lucas 22:9

Saa ndi̱ndakan tuꞌun nda ra, káchi nda saa: ―¿Mií kua kúni un kuꞌun nde xaa vií nde ya? ―káchi nda.

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

Los Hechos 7:38

Ta suvi mií ra Moisés ku ra ndi̱xika xiꞌin xii sikua yo tá ndi̱xika na iku yuyu. Ta suvi xiꞌin ra ikán kua ndi̱kaꞌan tatun ya ke̱e nuu Ndioxi. Ndi̱kaꞌan ya xiꞌin ra xiki iku yuyu ya náni Sinaí. Ta̱xi ya tuꞌun Ndioxi ndaꞌa ra ta̱a ra. Ta saa íyo ya ta̱xi ra ndaꞌa xii sikua yo ya sinaꞌa na seꞌe na, ta ya ikán kua xíni yo nda kivi vitin. Tuꞌun Ndioxi ikán ta nda tá káa ya táku saa káa ya.