San Marcos 11:9 - Xochapa Mixteco

⁹ Kúsini ka vi na, iin ndáꞌi koꞌo ndiꞌi na kuaꞌan na, na ndóso nuu tin na ndíkun sata, ndáꞌi ndiꞌi na, káchi na saa: ―¡Kaꞌnu ni ná koo taa, ra vaxi xiꞌin ndee Iva yo Ndioxi!

San Marcos 11:9 Mawu Ofanana

San Mateo 21:9

Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.

San Mateo 23:39

Ta ndixa káꞌan i xiꞌin ndo, nda kivi vitin ta küni ka ndo yeꞌe, nda ná tindaa kivi ya kaꞌan ndo: “Chee ni ra xa̱a sikaku yoo, ra vaxi xiꞌin yuꞌu Iva yo Ndioxi ra íyo nuu ndivi ku ra”, kachi ndo xaꞌa i, nda saa kuni ndo yeꞌe ―káchi Jesús xiꞌin na.

San Marcos 11:8

Kuaꞌa ka vi na chíndoo chilo ichí nuu yáꞌa ra kuaꞌan ra ya xáa kaꞌnu ñaꞌa na, ta inka na xáꞌnda ndaꞌa itun ta kíꞌin na ya chíndoo na nuu yáꞌa ra kuaꞌan ra.

San Juan 12:13

Ta saa xa̱ꞌnda na itun ñuú níꞌi na kuaꞌan xiꞌin na ndikiꞌin na Jesús. Ta ndee ni káꞌan na, káchi na saa: ―¡Ra Kaꞌnu ni ku Ndioxi! ¡Ta Kaꞌnu ni tu Taa, ra ti̱ꞌvi ra vaxi nuu va ra! ¡Saa chi rey nuu yo Israel ku ra! ―káchi na.

San Juan 19:15

Saa ndee ni ndikuiin na, káchi na saa: ―¡Ná kuvi ra! ¡Ná kuvi ra! ¡Chinuu ndo ra nuu cruzin! ―káchi na. Saa ndi̱kaꞌan ra Pilato xiꞌin na, káchi ra saa: ―¿Án kúni ndo ya chinuu i rey ndo nuu cruzin? ―káchi ra xiꞌin na. Saa ndi̱kuiin nda naꞌnu nuu sutu, káchi nda saa: ―¡Köo ka inka rey kúu mií nde, iindaa ra rey César ku rey nuu nde! ―káchi nda.