San Marcos 11:3 - Xochapa Mixteco

³ Tá ndá naꞌa káꞌan xiꞌin ndo: “¿Ndachu ndáxin ndo ri?”, káchi na xiꞌin ndo. Ta saa kaꞌan ndo xiꞌin na: “Tata yo xíniñuꞌu ri tá ndiꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi ra xiꞌin nda.

San Marcos 11:3 Mawu Ofanana

San Marcos 11:2

káchi ra saa: ―Kuáꞌan ndo ñuu loꞌo ya xíto ndo kaa. Tá ndi̱xaa ndo ta nditaꞌan ndo iin burru loꞌo núꞌni ri, kiti täꞌan kuyoso nda iin naꞌa ku ri. Ta saa ndaxin ndo ri kixi xiꞌin ndo.

San Marcos 11:4

Saa ka̱na koo nda kuaꞌan nda, ta ndi̱taꞌan nda iin burru loꞌo, núꞌni ri ndíchi ri yeꞌe na ichí, ñaa nda̱xin nda ri.

San Marcos 14:15

Ta saa naꞌa ra iin cuarto chee ya íyo piso ni̱nù nuu ndo, ta xa íyo ndiꞌi ñaꞌa kuniñuꞌu ndo ini ya, ikán xaa vií ndo ñaꞌa kuxini yo ―káchi Jesús xiꞌin nda.

Los Hechos 1:24

Saa xa̱á nda káꞌan nda xiꞌin Ndioxi, káchi nda saa: ―Tata, yóꞌo̱ ku ra xíni unku ya íyo nima ndiꞌi ivi, ta vitin sinaꞌa un nda yóꞌó nuu nde, unku nda ndi̱kaxin un

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 17:25

Ta nda iin ñaꞌa köo xíniñuꞌu ra taxi naꞌa ndaꞌa ra, chi suvi mií ra ku ra si̱kuaꞌa ndiꞌi va ya. Ta síniꞌi ra tachi ndíxita yo ya vaꞌa táku yo, saa táxi ra ndiꞌi ñaꞌa xíniñuꞌu yo ndaꞌa yo.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.