San Marcos 10:1 - Xochapa Mixteco

¹ Saa ku̱u ke̱e Jesús ñuu Capernaum, ta ndi̱kiꞌin ra kuaꞌan ra chí ñuu ya ñúꞌu chí Judea, saa kuaꞌan tu ra inka xiyo yuꞌu nduta ita Jordán ñaꞌñu nuu kéta ñu̱ꞌu̱ va. Ikán ndi̱kitaꞌan kuaꞌa ka vi tuku naꞌa nuu ra. Saa xa̱á ra sínaꞌa tuku ra naꞌa tá kuꞌva íkan ra yachi.

San Marcos 10:1 Mawu Ofanana

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Marcos 1:21

Saa ndi̱xaa Jesús xiꞌin nda ítaꞌan xiꞌin ra ñuu Capernaum. Ta kivi i̱í, kivi ndíkundee na, ndi̱kiꞌvi Jesús ini veꞌe ñuꞌu sinagoga sínaꞌa ra naꞌa.

San Marcos 10:2

Saa ku̱yati sava nda fariseo ndi̱xaa nda nuu ra ya xíto ndoso nda ra yakan kéꞌe ñaꞌa nda, káꞌan nda xiꞌin ra án kuchiñu sindoo iin taa yá síꞌi ra, káchi nda.

San Marcos 12:35

Saa ku̱u ndíkaa Jesús yeꞌe veꞌe ñuꞌu kaꞌnu sínaꞌa ra, ta saa ndi̱kaꞌan ra xiꞌin na, káchi ra saa: ―¿Ndachu káꞌan nda maestro sínaꞌa ley Ndioxi, ya seꞌe sikua ra David ku ra ti̱ꞌvi Ndioxi xa̱a sikaku na ñuu ivi, káchi nda?

San Marcos 14:49

Ndiꞌi saa kivi ndi̱xika i si̱naꞌa i yeꞌe veꞌe ñuꞌu kaꞌnu, ta nda iin ichí köo ndi̱tiin ndo yeꞌe. Ta vitin íkan ndo saa xiꞌin i ya ná xinu ya káꞌan tuꞌun Ndioxi xaꞌa i ―káchi Jesús xiꞌin nda.

San Marcos 2:13

Saa ku̱u nuu ndi̱kiꞌin tuku Jesús kuaꞌan ra yuꞌu nduta ñûꞌu Galilea, ta iin taꞌnda chee naꞌa ndi̱xaa nuu ra. Saa xa̱á ra sínaꞌa ra na tuꞌun Ndioxi.

San Marcos 4:2

Saa xa̱á ra sínaꞌa ra na kuaꞌa ni tuꞌun ndíchi, káchi ra saa:

San Marcos 6:2

Tá ti̱ndaa kivi i̱í ndíkundee na, saa ndi̱xaa ra veꞌe ñuꞌu sinagoga xa̱á ra sínaꞌa ra. Ta kuaꞌa ka vi na xíni soꞌo káꞌan ra, iin ndíkanda ini na xíni soꞌo na káꞌan ra, saa káꞌan na xaꞌa ra: ―¿Ndachu vaꞌa xíni ni ra? Tá káꞌan iin ra ndíchi ni saa káꞌan ra. ¿Ta ndachu vaꞌa íkan ra yatuꞌun?

San Marcos 6:34

núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

San Marcos 6:6

Ta ndi̱kanda ini ra xi̱ni ra na, chi tuun ni nima na, köo xíin na kandixa ñaꞌa na. Saa ndi̱xika ra ndiꞌi kúu ñuu vali ya íyo yati sínaꞌa ra tuꞌun Ndioxi.

San Juan 10:40

Saa ndi̱kiꞌin tuku Jesús kuaꞌan ra inka ñaꞌñu yuꞌu ita Jordán. Ikán ndi̱ndoo ra nuu ndi̱xiyo ra Juan si̱kuchi ra naꞌa yachi.

San Juan 11:7

Sindiꞌi saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Vitin kana koo yo kuꞌun tuku yo estado Judea ―káchi ra xiꞌin nda.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.