San Lucas 9:51 - Xochapa Mixteco

⁵¹ Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén.

San Lucas 9:51 Mawu Ofanana

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Lucas 12:50

Ndíkani ni ini i xaꞌa ya ndee ni kundoꞌo i, ta xaꞌa ya ikán kua nduu i tá káa ra chíchi nuu Ndioxi. Ta nda vitin ta ndíꞌi ni ini i ndátun i nda kivi ná xinu koo tiempo ya kuu saa.

San Lucas 13:22

Tá kuaꞌan Jesús ñuu Jerusalén ta ndiꞌi ni kúu ñuu nuu yáꞌa ra kuaꞌan ra sínaꞌa ra naꞌa ñuu naꞌnu tin ñuu vali.

San Lucas 17:11

Tá kuaꞌan Jesús ñuu Jerusalén ta ndi̱yaꞌa ra ichí nuu ndíkitaꞌan ñuꞌú na Samaria xiꞌin ñuꞌú na Galilea.

San Lucas 18:31

Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa: ―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó.

San Lucas 19:11

Tá xíni soꞌo na káꞌan Jesús, ta saa ndi̱kaꞌan ra iin tuꞌun ndíchi xiꞌin na, saa chi xa kúyati ra xaa ra ñuu Jerusalén, ta xíka ini na: “Xa ti̱ndaa kivi kaꞌnda chiñu Ndioxi ñuu ivi yóꞌó”, káꞌán na.

San Lucas 19:28

Ñaa tá sindiꞌi Jesús ndi̱tuꞌun ra tuꞌun ndíchi ikán, saa xa̱á xíka tuku ra kuandaa ra kuaꞌan ra ñuu Jerusalén.

San Lucas 24:51

Tá chíkaa ra ya vaꞌa na, ta saa nda̱niꞌi Ndioxi ra nda̱a ra kuaꞌan ra nuu ndivi.

San Lucas 9:57

Tá kuaꞌan Jesús xiꞌin nda ítaꞌan xiꞌin ra, ta saa ndi̱kitaꞌan iin taa xiꞌin nda, káchi ra saa: ―Tata, nda mií nuu kuaꞌan un, ta kuꞌun i xiꞌin un ―káchi ra xiꞌin ra.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:5

Sundi vitin ta ndiko koo i kuꞌun i nuu ra ti̱ꞌvi yeꞌe vaxi i, ta nda iin ndo köo ndákan tuꞌun yeꞌe míí chí kuꞌun i.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 6:62

Tá tu saa ta, ¿unkua ndíkani ini ndo tá ná kuni ndo Yeꞌe, ra kúu Taa ra xa̱a ñuu ivi yóꞌó, ya ná ndaa i kuꞌun i nuu ndivi nuu ndi̱xiyo i yachi? ―káchi ra xiꞌin na.

Los Hechos 1:2

iin saa nda kivi tá nda̱a ra kuaꞌan ra nuu ndivi. Tá täꞌan kuꞌun ra nuu ndivi ta xa̱ꞌnda ra chiñu nuu nda apóstol, nda ndi̱kaxin ra. Ta tixin Tachi I̱í Ndioxi kua i̱kan ra saa xiꞌin nda.

Los Hechos 1:9

Tá ndiꞌi ndi̱kaꞌan ra xiꞌin nda saa xíto ka nda nuu ra, ñaa nda̱a ra kuaꞌan ra nuu ndivi i̱kan Ndioxi. Saa nu̱u iin viko ndi̱kasi yaa ñaꞌa ya, ta köo ka ra ndi̱xini nda.

Efesios 1:20

si̱taku ra Cristo tañu na ndíi, saa ta̱xi ra ichí ndaꞌa ra ya koo ra xiꞌin ra ñaꞌñu kuáꞌá ra nuu ndivi.

Filipenses 3:14

Saa íkan i kuaꞌan i ya kuchiñu i ndikiꞌin i ñaꞌa ya ndi̱kaꞌan Ndioxi taxi ra ndaꞌa i tá kivi ka̱na ra yeꞌe tixin Tata yo Jesucristo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

HEBREOS 6:20

Chi Jesús ta xa ndi̱kiꞌvi ra, yakan vaꞌa ku̱chiñu ra xu̱na ra ichí nuu yo ya kuchiñu yo kiꞌvi yo koo yo xiꞌin Ndioxi. Ta nda iin ichí ndïꞌi xaꞌa chiñu kúu mií ra, ndiꞌi saa ichí kuu mií ra sutu, ra chee ni nuu yo, tá kuꞌva ndi̱xiyo sutu ra Melquisedec, saa íyo ra.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.