San Lucas 9:48 - Xochapa Mixteco

⁴⁸ Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

San Lucas 9:48 Mawu Ofanana

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 18:14

Tá kuꞌva káa ra ndá levo ikán, saa káa Iva yo Ndioxi ra íyo nuu ndivi, köo kúni ra ndañuꞌu nda iin na vali yóꞌó ―káchi Jesús.

San Mateo 19:28

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 25:45

Saa ndi̱kuiin i kaꞌan i xiꞌin na: “Ya ndaa káꞌan i xiꞌin ndo, ndiꞌi saa kivi ya köo ndi̱chindee ndo naꞌa, na ndíkun yeꞌe, vani ndaꞌvi ni na, ta yeꞌe ku i köo ndi̱chindee ndo”, kachi i xiꞌin na väꞌa ikán.

San Marcos 9:37

―Naꞌa, na ndíkiꞌin vií na vali taꞌan ra loꞌo yóꞌó xaꞌa ya kándixa na yeꞌe, ta yeꞌe kúu i ndíkiꞌin na, ta na ndíkiꞌin yeꞌe, ta süvi iindaa yeꞌe ku i ndíkiꞌin na, ndíkiꞌin tu na Ndioxi ra ti̱ꞌvi yeꞌe vaxi i ñuu ivi yóꞌó va ―káchi ra xiꞌin nda.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 14:11

Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 22:26

Ta ndóꞌo̱, ïkan ndo tá íkan na chiñu ñuu ivi yóꞌó. Xäa chee ni ndo mií ndo. Ndá ndóꞌo̱ kúu mií chiñu ndee ni nuu inka ndo ta ndasa ni̱nu̱ ndo mií ndo, xaa chiñu ndo nuu inka na ―káchi Jesús xiꞌin nda.

San Lucas 22:30

Ta ndóꞌo̱ ku ndo kundoo kuxi xiꞌin i nuu mesa i nuu kaꞌnda chiñu i. Saa kundoo ndo xiꞌin i nuu iin iin tai toꞌo xaa nani ndo kuachi uxi uvi saa tiꞌvi nda kúu tata ra Israel ―káchi Jesús xiꞌin nda.

San Lucas 7:28

Ta saa ndi̱kaꞌan ka ra xiꞌin na, káchi ra saa. ―Ta ya ndaa kua káꞌan i xiꞌin ndo, ndiꞌi taa nda ka̱ku ndi̱kaꞌan ndoso tuꞌun yuꞌu Ndioxi, ta ra Juan ku ra chee ni nuu ndiꞌi nda. Sundi na táxi xáꞌnda chiñu Ndioxi nima na, na ikán ku na naꞌnu ni ka nuu ra Juan ―káchi Jesús xiꞌin na.

San Juan 13:20

Ya ndaa ni káꞌan i xiꞌin ndo, ndiꞌi na ndíkiꞌin vaꞌa na ti̱ꞌvi i xaa chiñu nuu i, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi ra ti̱ꞌvi yeꞌe vaxi i ―káchi ra.

San Juan 14:21

Na xíni soꞌo ya xáꞌnda chiñu i ta xáa súvi na ya káꞌan i, na ikán ku na ndixa kúꞌvi ini xíni yeꞌe. Ndiꞌi na kúꞌvi ini xíni yeꞌe ta kuꞌvi ini Iva i kuni ra na, ta saa tu yeꞌe va kuꞌvi ini i kuni i na, ta situvi i mií i nuu na ―káchi Jesús xiꞌin nda.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

1 Pedro 5:6

Ta xaꞌa ya ikán kua xaa ni̱nu̱ xiꞌin mií ndo tixin ndee chee ni kúu mií Ndioxi, saa tá ti̱ndaa kivi ya chi̱tuni mií ra saa kua xaa kaꞌnu ra ndóꞌo̱.

El Apocalipsis 21:14

Xaꞌa mií nama chee ni ya xinuu nduu sata mií ñuu ikán ñúꞌu uxi uvi yu̱ú ya naꞌnu ni, ta sata iin mií yu̱ú ikán ndi̱kaꞌi kivi iin iin uxi uvi saa nda apóstol nda xa̱a chiñu nuu mií ra kúu Levo ikán.

El Apocalipsis 3:21

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.