San Lucas 9:44 - Xochapa Mixteco

⁴⁴ ―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.

San Lucas 9:44 Mawu Ofanana

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Marcos 9:31

Saa chi sínaꞌa ra nda ítaꞌan xiꞌin, káchi ra saa xiꞌin nda: ―Yeꞌe ku Taa ra xa̱a ñuu ivi yóꞌó, vaxi kivi ta nditaxi iin ra yeꞌe ndaꞌa na chiñu, ta na ikán ka̱ꞌni na yeꞌe, sundi tixin kivi uni ta nditaku tuku i ―káchi ra xiꞌin nda.

San Lucas 1:66

Ta ndiꞌi na ku̱ndaa ini ya ndo̱ꞌo ra ndi̱ndakan tuꞌun taꞌan na, káchi na saa: ―¿Ndá chiñu kua kuu mií ra loꞌo yóꞌó nuu Ndioxi ná kuchee ra? ―káchi na. Chi tixin ra loꞌo ikán si̱naꞌa Ndioxi ndee ra nuu na.

San Lucas 18:31

Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa: ―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó.

San Lucas 2:19

Saa xíni soꞌo ndiꞌi yá María ya káꞌan nda, ta chívaꞌa ndiꞌi yá ya nima yá, ta xíka ka vi ini yá xaꞌa ya káꞌan nda xaꞌa ra loꞌo seꞌe yá.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Juan 16:31

Saa ndi̱kuiin Jesús káꞌan ra xiꞌin nda. ―¿Án nda vitin vi kándixa ndo yeꞌe?

San Juan 16:4

Xa káꞌan kuee i xiꞌin ndo, tá ti̱ndaa kivi xa̱á kúu saa ta ndikaꞌán ini ndo xaꞌa ya xa ndi̱kaꞌan i xiꞌin ndo. ―Ta köo ndi̱kaꞌan i ya yóꞌó xiꞌin ndo tá núnu̱ú saa chi íyo i xiꞌin ndo.

San Juan 19:11

Saa ndi̱kuiin Jesús káꞌan ra: ―Tá tu süvi Ndioxi ku ra ndi̱taxi ichí ndaꞌa un ya kaꞌnda chiñu un xaꞌa i, ta nda iin ichí köo kúu mií un, ndi̱kuu. Sundi taa, ra ndi̱taxi yeꞌe ndaꞌa un ta chee ni ka kuachi ndíso ra ikán nuu yóꞌo̱ ―káchi Jesús xiꞌin ra Pilato.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

HEBREOS 2:1

Xaꞌa ya yóꞌó kua xíniñuꞌu yo chikaa ni soꞌo yo xaꞌa tuꞌun Ndioxi ya xi̱ni soꞌo yo ya ná sïndoo yo ichí ra, ta ná kandixa ni ka yo ra.