San Lucas 9:43 - Xochapa Mixteco

⁴³ Ta ndiꞌi na ndóo ikán ndi̱kanda ni ini na xíto na ku̱chiñu Jesús si̱nduvaꞌa ñaꞌa ra xiꞌin ndee Ndioxi. Ta ndóo ndiꞌi na ndi̱kanda ini na xíto na nuu Jesús ndóo na, saa ndi̱kaꞌan ra xiꞌin nda ítaꞌan xiꞌin ra, káchi ra saa:

San Lucas 9:43 Mawu Ofanana

San Mateo 17:22

Tá xíka Jesús xiꞌin nda ítaꞌan xiꞌin ra estado Galilea, saa ndi̱kaꞌan ra xiꞌin nda, káchi ra saa: ―Vaxi kivi ta iin taa taxi ra yeꞌe kúu Taa ra xa̱a ñuu ivi yóꞌó, nditaxi ra yeꞌe ndaꞌa na sáa ini xíni yeꞌe.

San Marcos 6:51

Ñaa ndi̱xaa ra nda̱a ra sata barco xiꞌin nda, saa si̱yaa tachi iin yayaa ku̱u. Ta saa iin ndi̱kanda ini nda ñúꞌu nda,

San Lucas 18:43

Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.

San Lucas 4:36

Ta ndiꞌi na xi̱ni ya ndo̱ꞌo ra ikán ndi̱kanda ni ini na. Ñaa ndindakan tuꞌun taꞌan na, káchi na saa: ―¿Ndá ndee kua kúu mií ra yóꞌó yakan vaꞌa kúu mií ra ichí xáꞌnda chiñu ra nuu tachi nduvaꞌa ta kándixa ñaꞌa ya ―káchi na.

San Lucas 5:26

Ta ndiꞌi na ndóo ikán xi̱ni ndu̱vaꞌa ra, ñaa ndi̱kanda ni ini na xa̱á na káꞌan na ya vaꞌa xaꞌa Ndioxi, ta íꞌvi ni na, káchi na saa: ―Nda iin kivi täꞌan kuni yo taꞌan ya xíto yo kivi vitin ―káchi na.

San Lucas 5:9

Xaꞌa ya kuaꞌa ni tiaka ti̱in nda yakan ndi̱ndiꞌvi ni ra, saa ndo̱ꞌo ndiꞌi tu nda ítaꞌan xiꞌin va ra, ndi̱ndiꞌvi ni nda xíto nda chu̱tu ndaa tun barco nda xiꞌin tiaka.

San Lucas 8:25

Sindiꞌi ndi̱kaꞌan ra xiꞌin nda, káchi ra saa: ―¿Ndachu köo ndáa ini ndo Ndioxi ya sikaku ra yoo? ―káchi ra xiꞌin nda. Ta saa ndi̱kanda ini nda íꞌvi ka vi nda ndóo nda, ñaa ndi̱ndakan tuꞌun taꞌan nda, káchi nda saa: ―¿Unku ra yóꞌó kua yakan vaꞌa xíni soꞌo tachi tin xíni soꞌo tu tikuii va tuꞌun káꞌan ra? ―káchi nda xiꞌin taꞌan nda.

San Lucas 9:42

Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra.

2 Pedro 1:16

Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.