San Lucas 9:41 - Xochapa Mixteco

⁴¹ Ta saa ndi̱kuiin Jesús káꞌan ra, káchi ra saa: ―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra. Ta saa ndi̱kaꞌan ra xiꞌin ra ikán: ―Naꞌa choꞌo xiꞌin seꞌe un ―káchi ra.

San Lucas 9:41 Mawu Ofanana

San Mateo 11:28

Ndiꞌi ndóꞌo̱ xa ku̱naa ni nuu ndiꞌi chiñu ya íkan ndo, ta köo kúndee ka ini ndo xiꞌin ñaꞌa ndíso ndo, ta naꞌa ndo nuu i, taxi i ndikundee ndo.

San Mateo 12:39

Saa ndi̱kuiin Jesús, káchi ra saa: ―¡Na nduvaꞌa ini, na köo kándixa Ndioxi ku ndóꞌo̱! Saa chi ndúku ndo yatuꞌun nuu i. Ta ïkan i yatuꞌun nuu ndo. Ndá ya ndo̱ꞌo ra profeta Jonás, ra ndi̱kaꞌan ndoso tuꞌun yuꞌu Ndioxi xinaꞌa va ku ya kuni ndo.

San Mateo 12:45

Saa kuaꞌan tachi nduvaꞌa ikán ndúku ka ya tachi nduvaꞌa, ñaa ndítaꞌan ya uxa nuu tachi nduvaꞌa, ya kini ni ka nuu mií ya, ñaa ndíko koo tuku ya xiꞌin uxa mií tachi nduvaꞌa ikán, saa kuandee ndiꞌi ya ini na íyo ya xiꞌin na. Ta na ikán ndee ni ka ndóꞌo na, chi tá núnu̱ú ta iindaa va tachi nduvaꞌa ku̱u mií na. Saa kundoꞌo ndóꞌo̱ ñuu ivi yóꞌó, tá tu köo xíin ndo kuni soꞌo ndo tuꞌun i ―káchi Jesús xiꞌin na.

San Mateo 16:4

¡Ndóꞌo̱ iku ini, ndóꞌo̱ köo kándixa Ndioxi ku ndo! Saa chi ndúku ndo yatuꞌun nuu i, ya kuchiñu kandixa ndo án ra ke̱e nuu Ndioxi ku i. Ta ïkan i yatuꞌun kuni ndo. Ndisaa yatuꞌun kuni ndo ku ya ndo̱ꞌo ra profeta Jonás, ra ndi̱kaꞌan ndoso tuꞌun yuꞌu Ndioxi xinaꞌa ―káchi Jesús xiꞌin nda. Saa ke̱ta ra kuaꞌan ra xiꞌin nda ítaꞌan xiꞌin ra.

San Mateo 17:17

Saa ndi̱kuiin Jesús ndi̱kaꞌan ra: ―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.

San Mateo 23:36

Ta ndixa káꞌan i xiꞌin ndo sata mií ndo ndikava ndiꞌi kuachi, xaꞌa nií ndiꞌi nda vaꞌa ikán ―káchi Jesús xiꞌin nda sínaꞌa ley Ndioxi tin nda fariseo.

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Marcos 10:14

Ñaa xi̱ni Jesús ya íkan nda, ta ndi̱saa ra xiꞌin nda, saa ndi̱kaꞌan ra xiꞌin nda, káchi ra saa: ―Taxi ndo na vali ná kixi na nuu i, ta käsi ndo nuu na, chi ndiꞌi na táxi xáꞌnda chiñu Ndioxi nima na, tá íin na vali yóꞌó saa íin na.

San Marcos 10:49

Saa ndi̱kundichi Jesús, ta ndi̱kaꞌan ra xiꞌin na ya ná kuꞌun na kana na ra. Ñaa ndi̱xaꞌan na ka̱na ñaꞌa na, káchi na saa: ―Ndikiꞌin ini un, kundichi koꞌo yo, chi kána Jesús yóꞌo̱ ―káchi na xiꞌin ra.

San Marcos 9:19

Saa ndi̱kuiin ra, káꞌan ra xiꞌin nda: ―¿Ndachu tuun ni nima ndo köo kándixa ndo? ¿Án nda iin ya köo kúchiñu ndo ikán mií ndo? ¿Án ndiꞌi saa ichí koo i xiꞌin ndo káꞌan ndo? Taxi ndo ra loꞌo ñaa ná kixi ra chichoꞌo ―káchi ra xiꞌin nda.

San Lucas 8:25

Sindiꞌi ndi̱kaꞌan ra xiꞌin nda, káchi ra saa: ―¿Ndachu köo ndáa ini ndo Ndioxi ya sikaku ra yoo? ―káchi ra xiꞌin nda. Ta saa ndi̱kanda ini nda íꞌvi ka vi nda ndóo nda, ñaa ndi̱ndakan tuꞌun taꞌan nda, káchi nda saa: ―¿Unku ra yóꞌó kua yakan vaꞌa xíni soꞌo tachi tin xíni soꞌo tu tikuii va tuꞌun káꞌan ra? ―káchi nda xiꞌin taꞌan nda.

San Lucas 9:40

Xa ndi̱xikan i ya mani nuu nda ítaꞌan xiꞌin un tava ñaꞌa nda, ta köo ndi̱kuchiñu nda ―káchi ra.

San Lucas 9:42

Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 20:27

Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.

Los Hechos 13:18

Ta Ndioxi ku̱ndee ini ra xiꞌin na xaꞌa ya väꞌa i̱kan na nuu ra tá ndi̱xika na iku yuyu uvi xiko kuiya.

Los Hechos 2:40

Xiꞌin tuꞌun yóꞌó tin kuaꞌa ni ka nuu tuꞌun ndi̱kaꞌan ra xiꞌin nda, ndíkani ra nuu nda, káchi ra saa: ―Nditaxi ndo mií ndo ndaꞌa Ndioxi ya ná sikaku ra ndóꞌo̱, süvi ka vi ya kundoꞌo ndo tá kundoꞌo na väꞌa, na íyo vitin ―káchi ra xiꞌin nda.

ROMANOS 2:4

Xa kúndaa ini ndo, ya vaꞌa ni Ndioxi xiꞌin ndo, ta íyo ni ra ya kaꞌnu ini xiꞌin ndo xaꞌa ya väꞌa íkan ndo. Xaꞌa ya vaꞌa ni ini Ndioxi, ta ¿án ndiꞌi saa ichí kundee ini ra kuni ra ya väꞌa íkan ndo, káꞌán ndo? ¿án köo kúndaa ini ndo ya kúni Ndioxi sindikoo ndo ya väꞌa íkan ndo, ta ndikundikun ndo ichí ra? Xaꞌa ya ndátun ra ndiko koo ndo ichí ra, yakan íkan ni ra ya vaꞌa xiꞌin ndo.

HEBREOS 3:19

Ta saa ndixa ndo̱ꞌo na, xaꞌa ya köo ndi̱kandixa na ra yakan kua köo ndi̱taxi ra kiꞌvi na koo na xiꞌin ra nuu ndikundee na.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.