San Lucas 9:38 - Xochapa Mixteco

³⁸ Ta saa ndíkaa iin ra taa tañu ndiꞌi na ndóo ikán, ta ndee ni ndi̱kaꞌan ra xiꞌin Jesús, káchi ra saa: ―Tata Maestro, xíkan i ya mani nuu un xaa loꞌo un ya vaꞌa xiꞌin i, sindaꞌa loꞌo un seꞌe i chi iindaa saa ku ra nuu i.

San Lucas 9:38 Mawu Ofanana

San Mateo 15:22

Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.

San Lucas 7:12

Tá ku̱yati ra ndi̱xaa ra ñuu ikán, ta xi̱ni ra kuaꞌan na sinduxin na iin ndìì, seꞌe iin yá ndi̱ndoo ndaa ku ya. Ta kuaꞌa ni naꞌa kuaꞌan xiꞌin yá sinduxin na seꞌe yá. Iindaa mituꞌun ku seꞌe yá, ta ndi̱xiꞌi ra.

San Lucas 9:37

Tá ndi̱tuvi inka kivi, saa ndi̱ko koo Jesús vaxi nuu ra nuu xiki ikán xiꞌin ra Pedro tin ra Juan, inka ra Jacobo, ta kuaꞌa ni ku naꞌa, iin taꞌnda chee ku na ndi̱kitaꞌan ndóo ndátun ñaꞌa na.

San Lucas 9:39

Tachi nduvaꞌa kua kúu mií ra, ta iin síndaꞌi koꞌo ñaꞌa ya xáꞌni too ya ra, táva ya chiñu yuꞌu ra. Xáa nduvaꞌa ni ya xiꞌin seꞌe i, ta ni köo xíin ya saña ya ra.

San Juan 4:47

Saa tá ku̱ndaa ini ra tuꞌun xaꞌa Jesús ya ke̱e ra estado Judea ta ndi̱xaa ra estado Galilea, ta ke̱e ra ikán ndi̱xaꞌan ra nuu ra ndi̱kaꞌan ra xiꞌin ra ya kuꞌun ra xiꞌin ra veꞌe ra sindaꞌa ra seꞌe ra, saa chi ndée ni ndee ndóꞌo seꞌe ra ta xa yati kuvi ra.