San Lucas 9:31 - Xochapa Mixteco

³¹ Ta iin ndi̱yeꞌe ndaa ndiꞌi nuu káꞌan nda xiꞌin ra, ndá kuꞌva ndoꞌo ra kuvi ra ñuu Jerusalén.

San Lucas 9:31 Mawu Ofanana

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Lucas 9:30

Ñaa ndi̱tuvi uvi nda taa xa̱á nda káꞌan nda xiꞌin ra. Iin ra ku Moisés, inka ra ku Elías, nda yóꞌó ku nda ndi̱xiyo xinaꞌa.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

2 Corintios 3:18

Yakan kua tá kúu ndiꞌi yo kándixa Tata yo Jesucristo, ta köo ndási ka nuu yo, vaꞌa xíto teꞌe yo, yakan kua tá íin yu̱ú tatan saa íin yo chi sínaꞌa teꞌe yo ya luvi ni íkan ra xiꞌin ya ndee ni luvi kúu mií ra. Ta saa kua ndúu yo tá kuꞌva káa mií Tata yo Jesucristo. Ta ya ndínama yo iin iin kivi ta mií Tata yo Jesucristo ra kúu Tachi ku ra íkan saa xiꞌin yo.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

Colosenses 3:4

Tá ná ndiko koo Jesucristo, ra táxi táku ndo, ta iin káchi nduu ndo xiꞌin ra, saa ndikundixi níí ndo ya vaꞌa, ya luvi ni xiꞌin ra.

HEBREOS 11:22

Ta saa tu ra José va, ya xi̱ndaa ni ini ra xi̱ni ra Ndioxi, yakan tá xa ku̱yati kuvi ra, ta ndi̱kaꞌan ra xiꞌin na ñuu ra, na Israel, ya kana koo na ñuu Egipto vaxi kivi. Ta saa ndi̱kaꞌan ra xiꞌin na, ya ná chinaꞌa na nuu ra ya kundiso na leke ra kuꞌun xiꞌin na tá xa kana koo na ñuu ikán.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

2 Pedro 1:15

Ta xaꞌa ya ikán kua ndíꞌi ni ini i síndikaꞌán i ndóꞌo̱ ndiꞌi saa ichí, yachi ka tá íyo i xiꞌin ndo ya ná kuñuꞌu ni ini ndo xaꞌa ya káꞌan i xiꞌin ndo tá kivi köo ka i íyo xiꞌin ndo.

El Apocalipsis 7:14

Saa ndi̱kuiin i ndi̱kaꞌan i xiꞌin ra, káchi i saa: ―Köo xíni i, Tata. Mií un xíni unku na, káchi i xiꞌin ra. Saa ndi̱kuiin ra, káchi ra saa: ―Ndiꞌi na yóꞌó ku na ka̱na koo nuu yáꞌa ni vi ndi̱xuꞌvi na, ndo̱ꞌo ka vi na, ta ndi̱kata na tikoto na xiꞌin nií kiti Levo loꞌo, yakan ndu̱u yaa ni ya.