San Lucas 9:30 - Xochapa Mixteco

³⁰ Ñaa ndi̱tuvi uvi nda taa xa̱á nda káꞌan nda xiꞌin ra. Iin ra ku Moisés, inka ra ku Elías, nda yóꞌó ku nda ndi̱xiyo xinaꞌa.

San Lucas 9:30 Mawu Ofanana

San Lucas 1:17

Chi suvi ra kunuu kuꞌun nuu ra kee kixi nuu Ndioxi, ta koo Tachi I̱í Ndioxi xiꞌin ra, saa koo ndee Ndioxi xiꞌin ra taꞌan ya ndi̱xiyo xiꞌin ra Elías ra ndi̱kaꞌan ndoso tuꞌun Ndioxi xinaꞌa, taꞌan ya ikán ku ya koo xiꞌin ra. Saa kuu mií ra ichí kaꞌan ra xiꞌin naꞌa ya ndikundoo vaꞌa na xiꞌin iva na tin seꞌe na. Ta saa ndiꞌi na iku ni ta nduvaꞌa na ikan na ya vaꞌa. Ta ra loꞌo seꞌe un ku ra chindee na koo ndúvi na, xáa na kaka na ichí Iva yo xiꞌin ndiꞌi nima na ―káchi tatun Ndioxi xiꞌin ra.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 9:19

Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Lucas 9:29

Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra.

San Lucas 9:31

Ta iin ndi̱yeꞌe ndaa ndiꞌi nuu káꞌan nda xiꞌin ra, ndá kuꞌva ndoꞌo ra kuvi ra ñuu Jerusalén.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.