San Lucas 9:29 - Xochapa Mixteco

²⁹ Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra.

San Lucas 9:29 Mawu Ofanana

San Mateo 17:2

Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya.

San Marcos 16:12

Ndi̱tuvi Jesús nuu uvi nda xi̱taꞌan xiꞌin ra, kuaꞌan nda iku ta ikán ndi̱tuvi ra nuu nda, ta síin náꞌa ra ndi̱tuvi ra.

San Lucas 3:21

Ta yachi tá täꞌan kuꞌun ra Juan veꞌe kàà, kuaꞌa ni naꞌa si̱kuchi ra, saa si̱kuchi tu ra Jesús va. Tá chíchi Jesús, ta xa̱á ra káꞌan ra xiꞌin Ndioxi, ñaa ndi̱xuna nuu ndivi.

San Lucas 5:16

Ta kuaꞌa ni ichí ku̱xika ra nuu naꞌa, kuaꞌan ra iku yuyu nuu köo nda iin naꞌa, ikán káꞌan ra xiꞌin Ndioxi.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 9:18

Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa: ―¿Unku yeꞌe, káchi naꞌa xaꞌa i? ―káchi ra xiꞌin nda.

San Lucas 9:30

Ñaa ndi̱tuvi uvi nda taa xa̱á nda káꞌan nda xiꞌin ra. Iin ra ku Moisés, inka ra ku Elías, nda yóꞌó ku nda ndi̱xiyo xinaꞌa.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

Los Hechos 6:15

Ñaa ndi̱koto na chiñu xiꞌin ndiꞌi ka na ndóo ikán, ndi̱koto na nuu ra Esteban. Tá káa nuu tatun Ndioxi saa ndu̱u nuu ra xi̱ni na.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.