San Lucas 9:20 - Xochapa Mixteco

²⁰ Saa ndi̱ndakan tuꞌun ka ñaꞌa ra, káchi ra saa: ―¿Ta ndóꞌo̱, unku yeꞌe káchi ndo? ―káchi ra xiꞌin nda. Saa ndi̱kuiin ra Pedro káchi ra saa: ―Tata, yóꞌo̱ ku ra ti̱ꞌvi Ndioxi, vaxi sikaku na ñuu ivi yóꞌó ―káchi ra.

San Lucas 9:20 Mawu Ofanana

San Mateo 22:42

káchi ra saa: ―¿Unkua ndíkani ini ndóꞌo̱ xaꞌa ra kúu Cristo, ra ti̱ꞌvi Ndioxi sikaku yoo? ¿Unku na veꞌe ra yóꞌó? ―káchi Jesús. Saa ndi̱kuiin nda, káꞌan nda xiꞌin ra: ―Seꞌe sikua ra rey David ku ra ―káchi nda.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 5:47

Tá tu káꞌan toꞌo ndo xiꞌin ndisaa na taꞌan ndo, ta saa ni köo ndáa yaꞌvi ya nuu Ndioxi. Chi nda na köo kándixa Ndioxi ta saa íkan tu na ikán va xiꞌin taꞌan na.

San Marcos 14:61

Ta nda iin ya köo ndi̱kuiin Jesús, taxiin íyo ra. Saa ndi̱ndakan tuꞌun tuku mií sutu ikán ra, káchi ra saa: ―¿Án yóꞌo̱ ku Cristo, Seꞌe Ndioxi ra chee? ―káchi ra.

San Marcos 8:29

Saa ndi̱ndakan tuꞌun ñaꞌa ra, káchi ra saa: ―Ta ndóꞌo̱, ¿unku i káchi ndo? ―káchi ra xiꞌin nda. Saa ndi̱kuiin ra Pedro káꞌan ra: ―Tata, yóꞌo̱ ku ra ku Cristo ra ke̱e nuu Ndioxi, ta vaxi un sikaku un na ñuu ivi yóꞌó ―káchi ra xiꞌin ra.

San Lucas 22:67

―Kaꞌan xiꞌin nde, ¿án yóꞌo̱ ku Cristo, Ra ke̱e nuu Ndioxi? ―káchi nda xiꞌin ra. Saa ndi̱kuiin ra káꞌan ra: ―Tá ná kaꞌan i xiꞌin ndo ikán ku i kachi i, ta ni küaꞌa ndo kandixa ndo yeꞌe.

San Lucas 9:19

Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Juan 1:41

Ta ra xiꞌna xi̱ni ra Andrés ku ra Simón Pedro ñani ra, saa ndi̱kaꞌan ra xiꞌin ra, káchi ra saa: ―Ndi̱taꞌan nde ra Mesías ―káchi ra. (Ta Mesías ku tuꞌun hebreo ya kúni kachi Cristo).

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 11:27

Saa ndi̱kuiin yá káꞌan yá: ―Kándixa i Tata, kándixa i yóꞌo̱ ku ra ku Cristo, ra kúu Seꞌe Ndioxi, ra xa íyo tuꞌun xaꞌa, ra ti̱ꞌvi Ndioxi vaxi ñuu ivi ku un ―káchi yá Marta xiꞌin ra.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.

San Juan 7:41

Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.

Los Hechos 17:3

Ta sínaꞌa ra na, káchi ra saa xiꞌin na: ―Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra xinaꞌa káꞌan ya xaꞌa ra kúu Cristo, ta xíniñuꞌu ra ndoꞌo ni ra, saa kuvi ra, ta sindiꞌi nditaku ra, káchi tuꞌun Ndioxi. Ta Jesús ku ra kúu Cristo, taa ra káꞌan tuꞌun Ndioxi xaꞌa. Ta suvi xaꞌa ra ikán kua káꞌan i xiꞌin ndo vitin ―káchi ra Pablo xiꞌin na.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

Los Hechos 9:22

Ta ndinuni loꞌo ka káꞌan ra xiꞌin na xaꞌa Jesús, ñaa iin ndisaka soꞌva ini na judío ndóo ñuu Damasco ikán. Chi ndíkani ra nuu na ya kúu Jesucristo ra ti̱ꞌvi Ndioxi vaxi sikaku yoo.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.