San Lucas 9:19 - Xochapa Mixteco

¹⁹ Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Lucas 9:19 Mawu Ofanana

San Mateo 14:2

Saa ndi̱kaꞌan ra xiꞌin nda xáa chiñu nuu ra, káchi ra saa: ―Ra Jesús yóꞌó ku ra Juan, ra si̱kuchi naꞌa, ra xa̱ꞌni i yachi, ta ndi̱taku ra vitin, yakan vaꞌa kúu mií ra ndee íkan ra yatuꞌun yóꞌó ―káchi ra Herodes.

San Mateo 3:1

Saa ku̱u ndi̱yaꞌa kuiya ya xa̱ꞌnu Jesús, ta ndi̱xaa ra Juan, ra síkuchi naꞌa, ndi̱xaa ra nuu íyo iku yuyu ñuu estado Judea, káꞌan ndoso ra tuꞌun Ndioxi.

San Marcos 6:14

Saa xi̱ni soꞌo ra rey Herodes tuꞌun xaꞌa Jesús, saa chi xa ndiꞌi ni kúu ñaꞌñu ndi̱xita tuꞌun xaꞌa ra. Saa xa̱á ra káꞌan ra, káchi ra saa: ―Ra Juan, ra síkuchi naꞌa ku ra ndi̱taku yakan vaꞌa kúu mií ra yatuꞌun Ndioxi ―káchi ra.

San Marcos 6:15

Ta inka na káꞌan: ―Ra Elías, ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku ―káchi na. ―Va iin ra ndi̱kaꞌan ndoso tuꞌun yuꞌu Ndioxi ku ra, án sana ndá nda ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku ―káchi na.

San Lucas 9:18

Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa: ―¿Unku yeꞌe, káchi naꞌa xaꞌa i? ―káchi ra xiꞌin nda.

San Lucas 9:20

Saa ndi̱ndakan tuꞌun ka ñaꞌa ra, káchi ra saa: ―¿Ta ndóꞌo̱, unku yeꞌe káchi ndo? ―káchi ra xiꞌin nda. Saa ndi̱kuiin ra Pedro káchi ra saa: ―Tata, yóꞌo̱ ku ra ti̱ꞌvi Ndioxi, vaxi sikaku na ñuu ivi yóꞌó ―káchi ra.

San Juan 1:21

Saa ndi̱ndakan tuꞌun tuku ñaꞌa nda, káchi nda saa: ―¿Ta unku yóꞌo̱? ¿Án ra profeta Elías kúu un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra. ―¿Án iin ra profeta ndi̱kaꞌan ndoso tuꞌun yuꞌu Ndioxi xinaꞌa va ku un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra xiꞌin nda.

San Juan 1:25

Ta saa ndi̱kaꞌan nda xiꞌin ra, káchi nda saa: ―Tá tu süvi Cristo kuu un, ta ni süvi ra Elías ku un, ta ni süvi ra profeta ku un, ¿ta ndachu síkuchi un naꞌa? ―káchi nda xiꞌin ra.

San Juan 7:40

Saa tá xi̱ni soꞌo na tuꞌun ikán ta ndi̱kaꞌan sava na, káchi na saa: ―Ya ndaa, ndixa ra profeta ra káꞌan ndoso tuꞌun yuꞌu Ndioxi ku ra yóꞌó ―káchi na.

San Juan 9:17

Saa ndi̱kaꞌan tuku nda xiꞌin ra ndi̱xiyo kuáa̱, káchi nda saa: ―¿Ta unkua káꞌan yóꞌo̱ xaꞌa taa, ra xu̱na nuu un? ―káchi nda xiꞌin ra. Saa ndi̱kuiin ra káꞌan ra: ―Iin ra káꞌan ndoso tuꞌun yuꞌu Ndioxi va ku ra ―káchi ra.