San Lucas 8:50 - Xochapa Mixteco

⁵⁰ Ta saa xi̱ni soꞌo Jesús, ñaa ndi̱kaꞌan ra xiꞌin ra Jairo, káchi ra saa: ―Käka ini un. Tá tu ndáa ini un Ndioxi ta nduvaꞌa va seꞌe un ―káchi ra xiꞌin ra.

San Lucas 8:50 Mawu Ofanana

San Marcos 5:36

Ñaa xi̱ni soꞌo Jesús ya ndi̱kaꞌan na xiꞌin ra Jairo, saa ndi̱kuiin ra káꞌan ra xiꞌin ra: ―Küu iꞌvi un, iindaa yeꞌe kandixa ni un ―káchi Jesús xiꞌin ra.

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Lucas 8:48

Ta saa ndi̱kaꞌan Jesús xiꞌin yá, káchi ra saa: ―Siꞌi, ndu̱vaꞌa un chi ndáa ni ini un xíni un yeꞌe. Ta vitin kuanuꞌu ta kündiꞌi ka ini un ―káchi ra xiꞌin yá.

San Lucas 8:51

Saa ke̱e Jesús ndi̱xaa ra veꞌe ra Jairo, ta köo ndi̱taxi ra kiꞌvi ndiꞌi naꞌa xiꞌin ra cuarto nuu kánduꞌu yá loꞌo ikán. Ndisaa siꞌí yá tin iva yá xiꞌin ra Pedro, xiꞌin inka ra Juan, inka ra Jacobo, nda ítaꞌan xiꞌin ra, ndisaa na ikán ku na ndi̱kee xiꞌin ra.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 11:40

Saa ndi̱kaꞌan Jesús xiꞌin yá, káchi ra saa: ―¿Án su xa ndi̱kaꞌan i xiꞌin un, tá tu kándixa un, ta kuni un ya vaꞌa ikan Ndioxi, káchi i xiꞌin un? ―káchi ra xiꞌin yá.

ROMANOS 4:17

Ta soꞌva ndi̱kaꞌan Ndioxi xiꞌin ra Abraham nuu ya ta̱a na xinaꞌa, káchi ra saa: “Yeꞌe ku Ndioxi, ta taxi i ichí ndaꞌa un nduu un iva ndiꞌi ni kúu naꞌa, na ndóo ñuu ivi yóꞌó”, káchi Ndioxi xiꞌin ra. Saa ka̱ndixa ra Abraham tuꞌun ya ndi̱kaꞌan Ndioxi xiꞌin ra. Chi Ndioxi ta kúu mií ra ichí ya sitaku ra na ndíi, saa kúu mií ra ichí ya sikuaꞌa ra ñaꞌa ya täꞌan kuaꞌa.

ROMANOS 4:20

Ta köo ndi̱xika uvi ini ra xaꞌa tuꞌun ya ndi̱kaꞌan Ndioxi xiꞌin ra. Ndee ka chi̱kaa ini ra ka̱ndixa ra Ndioxi. Ta saa xa̱a kaꞌnu ni ra Ndioxi.