San Lucas 8:39 - Xochapa Mixteco

³⁹ ―Ndiko koo kuanuꞌu veꞌe un ndituꞌun un xiꞌin na taꞌan un unkua i̱kan Ndioxi xiꞌin un ―káchi ra xiꞌin ra. Ta saa ke̱e ra ikán kuanuꞌu ra, ndítuꞌun ra xiꞌin ndiꞌi na veꞌe ra tin na ñuu ra unkua i̱kan Jesús xiꞌin ra.

San Lucas 8:39 Mawu Ofanana

San Marcos 1:45

Saa ke̱e ra ikán kuaꞌan ra, sundi köo ndi̱xaa ndúvi ra ya ndi̱kaꞌan Jesús xiꞌin ra. Saa chi tá kuaꞌan ra ichí, ta xa̱á ra ndítuꞌun ndiꞌi ra xiꞌin na ya si̱ndaꞌa Jesús ra. Xaꞌa ya ikán kua köo ndi̱kuchiñu ka kiꞌvi Jesús nda iin ñuu. Ndá nuu ñuu, nuu köo naꞌa kua xíka ra. Ta saa ni kuaꞌan ni naꞌa nuu ra, ndiꞌi kúu ñaꞌñu kée na xáa nuu ra.

San Marcos 5:18

Saa ndi̱ko koo Jesús ndi̱xaa ra ini tun barco, ñaa xa̱á mií ra ndo̱ꞌo tachi nduvaꞌa ikán, xíkan ra ya mani nuu ra, ya taxi ra kuꞌun ra xiꞌin ra.

San Marcos 5:19

Ta köo ndi̱xiin Jesús taxi ra kuꞌun ra xiꞌin ra, saa ndi̱kaꞌan ra xiꞌin ra, káchi ra saa: ―Vaꞌa ndiko koo kuanuꞌu veꞌe un, ndituꞌun un xiꞌin na veꞌe un tin na taꞌan un ná kundaa ini na ndá kuꞌva ku̱ndaꞌvi ini Ndioxi xi̱ni ra yóꞌo̱ ―káchi Jesús xiꞌin ra.

San Lucas 8:38

Saa ku̱ni ra ku̱u mií tachi ndu̱vaꞌa ikán kuꞌun ra xiꞌin Jesús, ñaa ndi̱kaꞌan ra xiꞌin Jesús, káchi ra saa: ―Tata, taxi un ná kuꞌun i xiꞌin un ―káchi ra xiꞌin ra. Ta ndi̱kaꞌan Jesús xiꞌin ra, káchi ra saa:

San Lucas 8:40

Tá ndi̱ko koo Jesús xiꞌin barco ndi̱xaa ra nda yuꞌu nduta ñûꞌu nuu ke̱e ra tá kuaꞌan ra. Ta chútu ndaa naꞌa ndóo na ndátu na ra, ta vaꞌa ni ndi̱kiꞌin ñaꞌa na.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

1 Timoteo 5:8

Saa chi tá ndá nda ñani yo köo chíndee taꞌan xiꞌin na veꞌe mií nda, ta kúni kachi ya, köo kándixa nda Tata yo Jesucristo, ta kini ni ka káa ya íkan nda ñaa nuu naꞌa, na köo kándixa tuꞌun ra.