San Lucas 7:8 - Xochapa Mixteco

⁸ Saa chi saa tu yeꞌe va. Íyo na xáꞌnda chiñu nuu i, ta saa tu yeꞌe va xáꞌnda chiñu i nuu inka nda lapa. Tá káꞌan i xiꞌin nda kuꞌun nda, ta kuaꞌan nda. Saa tá kána i nda kixi nda, ta vaxi nda. Saa tu ra xáa chiñu nuu va i, xáꞌnda i chiñu nuu ra ikan ra ndá ka ñaꞌa káꞌan i xiꞌin ra, ta íkan ra ya, káchi ra xiꞌin chiñu vaxi nuu un ―káchi nda xiꞌin Jesús.

San Lucas 7:8 Mawu Ofanana

San Lucas 7:7

Ta xaꞌa ya ñaa kua, köo ndi̱xaꞌa ndee ini i xaa i nuu un kaꞌan i xiꞌin un kixi un sindaꞌa un moso i. Sundi kándixa i yóꞌo̱ ya kúu mií un ndee sindaꞌa ñaꞌa un. Vaꞌa rá iin tuꞌun ná kaꞌan un ta nduvaꞌa moso i.

San Lucas 7:9

Ñaa tá xi̱ni soꞌo Jesús ya̱ ndi̱kaꞌan nda ikán ta ndi̱kanda ni ini ra. Saa ndi̱ko koo ra ndi̱koto ra nuu na ndíkun kuaꞌan sata ra, ta saa ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, ra yóꞌó ta ni süvi ra ñuu yo Israel ku ra ta ndinuꞌu ni ini ra kándixa ra yeꞌe. Nda iin ndóꞌo̱ ñuu yo Israel yóꞌó köo ndáa ni ini xíni yeꞌe tá kuꞌva kándixa ni ra yóꞌó tuꞌun káꞌan i ―káchi Jesús xiꞌin na.

Los Hechos 23:17

Ñaa ka̱na ra Pablo iin ra ínuu nuu nda lapa ikán, ta ndi̱kaꞌan ra xiꞌin ra, káchi ra saa: ―Kundaka loꞌo ra kuâán loꞌo yóꞌó ná kuꞌun ra xiꞌin un nuu ra chiñu chee saa chi íyo ya kúni ra kaꞌan ra xiꞌin ra ―káchi ra Pablo xiꞌin ra ikán.

Los Hechos 23:23

Saa ka̱na ra ndíso chiñu xiꞌin nda lapa uvi nda naꞌnu nuu nda, ta xa̱ꞌnda ra chiñu nuu nda, káchi ra saa: ―Kaꞌan ndo xiꞌin nda lapa ná kundoo tuꞌva uvi ciento nda kuꞌun xaꞌa nda, ta uni xiko uxi nda yóso kuai, xiꞌin uvi ciento nda ná kuꞌun xiꞌin lanza. Ta ná koo tuꞌva nda kana nda kàà i̱in ñu̱u vitin kuꞌun nda ñuu Cesarea.

Los Hechos 23:26

“Chíndee i yóꞌo̱ Tata Félix gobernador ra chee nuu nde, yeꞌe ku ra kúu Claudio Lisias, ta tíꞌvi i tutu yóꞌó xaa ya ndaꞌa un.

Los Hechos 23:31

Tá íyo ya ndi̱kaꞌan ra xiꞌin nda lapa ikán saa íyo ya i̱kan nda. Ka̱na koo ñu̱u nda kuaꞌan nda xiꞌin ra Pablo, saa ndi̱xaa nda ñuu Antípatris.

Los Hechos 24:23

Saa xa̱ꞌnda mií ra gobernador ikán chiñu nuu iin ra ndíso chiñu xiꞌin nda lapa, ya ná kundaa nda ra Pablo, sundi ná taxi nda kaka ndíka ra, ta saa ná kiꞌvi na taꞌan ra koto ñaꞌa na ―káchi mií ra gobernador ikán.

Los Hechos 25:26

Ta köo kúndaa ini i ndá kuachi kua taa i xaꞌa ra nuu tutu ya tiꞌvi i ra kuꞌun ra ndaꞌa ra rey ikán. Xaꞌa ya ñaa kua ka̱na i ndóꞌo̱ ndi̱kitaꞌan ndiꞌi ndo ndóo ndo yóꞌó vitin ya kuni soꞌo ndo káꞌan ra, ta yóꞌo̱ Tata rey Agripa, vaꞌa sinaꞌma un ra saa kundaa ini i unkua taa i xaꞌa ra.

Colosenses 3:22

Saa ndóꞌo̱ xáa chiñu xiꞌin ya nduxa, kundiꞌi ni ini ndo xaa súvi ndo ndiꞌi chiñu ya xáꞌnda chiñu na xitoꞌo ndo nuu ndo. Kündiꞌi ini ndo án xíto na nuu ndo án köo xíto na nuu ndo, ya ndee ni kua xíniñuꞌu ndo kundiꞌi ini ndo xaa súvi ndo chiñu xiꞌin ya ndaa, xaꞌa ya xáa toꞌo ndo Iva yo Ndioxi.