San Lucas 7:40 - Xochapa Mixteco

⁴⁰ Ta saa ndi̱kaꞌan Jesús xiꞌin ra, káchi ra saa: ―Tata Simón, íyo iin ñaꞌa kúni i kaꞌan i xiꞌin un ―káchi ra xiꞌin ra. Saa ndi̱kuiin ra Simón, káchi ra saa: ―Vaꞌa, kaꞌan xiꞌin i Tata Maestro ―káchi ra.

San Lucas 7:40 Mawu Ofanana

San Mateo 26:49

Saa ku̱yati ra nuu Jesús, ta ndi̱kaꞌan ra xiꞌin ra, káchi ra saa: ―Kuaꞌa un, Tata Maestro ―káchi ra. Ta chu̱tu ra nuu Jesús.

San Mateo 7:22

Kivi vaxi tá ná xaa nani Ndioxi kuachi xiꞌin na ñuu ivi, ta kuaꞌa ni na kaꞌan xiꞌin i, kachi na saa: “Tata, ndi̱xika nde ndi̱kaꞌan ndoso nde tuꞌun un xiꞌin naꞌa, ta xiꞌin kivi un ta̱va nde tachi nduvaꞌa kúu mií na ta suvi ni xiꞌin kivi un i̱kan nde yatuꞌun xiꞌin na”, kachi na.

San Lucas 18:18

Saa ku̱u xa̱a iin ra kuika nuu Jesús káꞌan ra xiꞌin ra, káchi ra saa: ―Tata Maestro, yóꞌo̱ ku ra vaꞌa ni, ta kaꞌan loꞌo un xiꞌin i, ¿unkua xíniñuꞌu i ikan i ya kuchiñu i koo i xiꞌin Ndioxi ndiꞌi kivi ya vaxi? ―káchi ra.

San Lucas 5:22

Saa ku̱ndaa ini Jesús ya ndíkani ini nda, ta ndi̱kaꞌan ra xiꞌin nda, káchi ra saa: ―¿Ndachu ndíkani ini ndo saa?

San Lucas 5:31

Saa ku̱ndaa ini Jesús ta ndi̱kuiin ra káꞌan ra xiꞌin nda fariseo, káchi ra saa: ―Naꞌa, na íyo vaꞌa ini, ta köo xíniñuꞌu na kuꞌun na kutatan na, na kúꞌvi ku na xíniñuꞌu kuꞌun kutatan.

San Lucas 6:8

Ta ku̱ndaa ini Jesús ya xíka ini nda, ta saa ndi̱kaꞌan ra xiꞌin taa ra ndi̱ndichi ndaꞌa ikán, káchi ra saa: ―Kuándikoo kundichi maꞌñu ñaa ―káchi ra xiꞌin ra. Ta saa ndi̱koo ra ndi̱kundichi ra.

San Lucas 7:39

Saa tá xi̱ni ra Simón ikán, ta xa̱á ndíkani ini ra, káchi ra saa: “Tá tu ndixa ra káꞌan ndoso tuꞌun yuꞌu Ndioxi ku ra yóꞌó, ta xa kundaa va ini ra süvi ñaꞌa vaꞌa ku yá yóꞌó, ta täxi ra tiin ndaa ñaꞌa yá, ndíkuu”, káꞌán ra.

San Lucas 7:41

Ñaa xa̱á Jesús káꞌan ra iin tuꞌun ndíchi xiꞌin ra, káchi ra saa: ―Saa ndo̱ꞌo uvi nda taa, nda níka nuu iin ra táxi too xuꞌun. Iin ra níka uꞌun ciento denario ta inka ra níka uvi xiko uxi denario.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 16:19

Saa ku̱ndaa ini Jesús ya kúni ndakan tuꞌun ñaꞌa nda ítaꞌan xiꞌin ra. Saa ndi̱kaꞌan ra xiꞌin nda, káchi ra saa: ―¿Án kúni ndo kundaa ini ndo xaꞌa tuꞌun ya ndi̱kaꞌan i xiꞌin ndo: Siloꞌo kivi ta küni ka ndo yeꞌe ta sindiꞌi saa kuni tuku ndo yeꞌe?, káchi i. ¿Án xaꞌa ya ndi̱kaꞌan i xiꞌin ndo ndákan tuꞌun taꞌan ndo xaꞌa?

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.