San Lucas 7:38 - Xochapa Mixteco

³⁸ Ndi̱xaa yá ndi̱kunduꞌu koo yá sata Jesús, saa xa̱á yá xáku ni yá, ta kóyo ni tikuii nuu yá xaꞌa ra. Sindiꞌi ta ndi̱yakun yá xaꞌa ra xiꞌin ixi xiní yá, ñaa si̱ichi yá ya ta xa̱á yá chútu yá xaꞌa ra. Saa tá si̱ndiꞌi yá ta ki̱ꞌin yá nduta tami xaꞌan ikán si̱kuchi yá xaꞌa ra.

San Lucas 7:38 Mawu Ofanana

San Mateo 5:4

’Vaꞌa ni kée ndo tá tu xáku ni ndo, saa chi vaxi kivi ta sindiko Ndioxi ini ndo.

San Lucas 22:62

Ta saa ke̱ta ra Pedro keꞌe xa̱á ra ndinuni loꞌo xáku suchi ini ra xaꞌa ya ndi̱kuaa ra Jesús.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Lucas 7:37

Saa íyo iin ñaꞌa yá ñuu ikán, ta ínuu väꞌa ni tuꞌun yá. Tá ku̱ndaa ini yá ndi̱xaa Jesús kuxi ra veꞌe ra Simón, ta ke̱e yá kuaꞌan yá xiꞌin nduta tami xáꞌan, chútu ndaa rá ini iin yuyu kuaꞌan xiꞌin yá.

San Lucas 7:39

Saa tá xi̱ni ra Simón ikán, ta xa̱á ndíkani ini ra, káchi ra saa: “Tá tu ndixa ra káꞌan ndoso tuꞌun yuꞌu Ndioxi ku ra yóꞌó, ta xa kundaa va ini ra süvi ñaꞌa vaꞌa ku yá yóꞌó, ta täxi ra tiin ndaa ñaꞌa yá, ndíkuu”, káꞌán ra.

San Juan 11:2

(Ta yá María, kuꞌva ra, ku yá ndi̱koyo ndee ndiꞌi nduta tami xaꞌan xaꞌa Jesús, ta saa ndi̱yakun yá xaꞌa ra xiꞌin ixi xini yá.)

Santiago 4:9

Ta sinuu ndo ini ndo ná nu̱u ini ndo, kusuchi ini ndo kuaku ndo. Saa ndasa chiꞌña ndo ini ndo kuaku ni ndo, tá tu vaꞌa ni xáku ndo, ta vaꞌa ná sindikava ndo ini ndo.