San Lucas 7:19 - Xochapa Mixteco

¹⁹ ti̱ꞌvi ra nda kuaꞌan nda kaꞌan nda tuꞌun yóꞌó xiꞌin Jesús, káchi ra saa: “¿Án yóꞌo̱ ku ra íyo tuꞌun xaꞌa ke̱e nuu Ndioxi vaxi ñuu ivi yóꞌó, án xíniñuꞌu ka nde kundatun nde inka ra? kachi ndo xiꞌin ra”, káchi ra Juan xiꞌin tuꞌun kuaꞌan nuu Jesús.

San Lucas 7:19 Mawu Ofanana

San Marcos 6:7

Saa ku̱u ka̱na ra uxi uvi saa nda ítaꞌan xiꞌin ra, ta ti̱ꞌvi ra nda kuaꞌan nda kaꞌan ndoso nda tuꞌun Ndioxi. Tá uvi, tá uvi nda ti̱ꞌvi ra kuaꞌan. Ta saa ta̱xi ra ndee ndaꞌa nda ya tava nda tachi nduvaꞌa kúu mií naꞌa.

San Lucas 10:1

Sindiꞌi ikán ta ndi̱kaxin Jesús uni xiko uxi nda taa nda ndíkun sata ra. Tá uvi, tá uvi nda ti̱ꞌvi ra kuaꞌan nda ñuu nuu kuꞌun ra. Xiꞌna nda ikán ti̱ꞌvi ra kuaꞌan, saa kuꞌun mií ra.

San Lucas 11:1

Iin kivi ke̱e Jesús kuaꞌan ra kaꞌan ra xiꞌin Ndioxi. Tá si̱ndiꞌi ra ndi̱kaꞌan ra xiꞌin ra, ta ku̱yati iin ra ítaꞌan xiꞌin ra, káchi ra saa: ―Tata, sinaꞌa loꞌo un ndeꞌe ná kaꞌan nde xiꞌin Ndioxi, tá i̱kan ra Juan ra síkuchi naꞌa, si̱naꞌa ra nda ítaꞌan xiꞌin ra ndá kuꞌva kaꞌan nda xiꞌin Ndioxi ―káchi ra xiꞌin Jesús.

San Lucas 11:39

Saa ndi̱kaꞌan Jesús xiꞌin ra, káchi ra saa: ―Ndóꞌo̱ fariseo, tá íin koꞌo xiꞌin vaso ya ndíkata ndo sata, saa íin ndo, chi sata va ndo vaꞌa ni náꞌa, sundi ini ndo ta iin chútu ndaa ya kuiꞌna xiꞌin ya väꞌa.

San Lucas 12:42

Saa ndi̱kaꞌan Jesús xiꞌin ra, káchi ra saa: ―Iin ra moso, ra ndíso chiñu xiꞌin ñaꞌa xitoꞌo ra, ra ndaa ni ini ta ni xitoꞌo ra köo xíka ini ra xíni ñaꞌa ra, táxi ndiꞌi ra ñaꞌa kúu mií ra ndaꞌa moso ra. Ndáa ndiꞌi moso ra ñaꞌa ra, saa táxi ra ñaꞌa xitoꞌo ra xíxi ndiꞌi na xáa chiñu xiꞌin xitoꞌo ra.

San Lucas 13:15

Saa ndi̱kuiin Tata yo Jesús káꞌan ra saa, káchi ra saa: ―Ndóꞌo̱ uvi yuꞌu ku ndo, nda, ni mií ndo ta xáꞌan ndo ndáxin ndo sindiki sana ndo xiꞌin burru sana ndo xíꞌi ri tikuii kivi ndíkundee yo.

San Lucas 17:5

Saa kúu ta ndi̱kaꞌan nda ítaꞌan xiꞌin Jesús xiꞌin ra, káchi nda saa: ―Tata, chindee un ndeꞌe ná kundaa ni ini nde kuni nde Ndioxi ―káchi nda xiꞌin ra.

San Lucas 17:6

Saa ndi̱kuiin Tata yo Jesús káchi ra saa: ―Tá ndáa ni ini ndo xíni ndo Ndioxi, vani loꞌo paꞌa tíin tá káa ndikin siꞌva mostaza saa ndáa ini ndo ra. Ta saa vaꞌa kaꞌan ndo xiꞌin itun sicómoro, vani kúnu ni ndíkaa tioꞌo nu ta keta nu kuꞌun nu ndikaa nu ini nduta ñûꞌu chi kuni soꞌo nu tuꞌun káꞌan ndo ―káchi Jesús xiꞌin nda.

San Lucas 18:6

Ñaa ndi̱kaꞌan Jesús káchi ra saa: ―Koto ndo unkua i̱kan ra juez ra iku ini.

San Lucas 19:8

Ñaa ndi̱kundichi ra Zaqueo xa̱á ra káꞌan ra xiꞌin Tata yo Jesús káchi ra saa: ―Koto un, Tata, vitin ta iin nditaꞌvi sava i ñaꞌa kúu mií i xiꞌin na ndaꞌvi. Ta sindiko koo ndiꞌi tu i ñaꞌa tá kúu na si̱ndaꞌvi i, nda kumi ichí ka kuaꞌa nduu ya sindiko koo i ndaꞌa na ―káchi ra xiꞌin Jesús.

San Lucas 22:61

Saa ndi̱ko koo Jesús ndi̱koto vaꞌa ra nuu ra Pedro, ta ndi̱kaꞌán ini ra ya ndi̱kaꞌan Jesús xiꞌin ra: “Ñûu vitin ta xa uni vi ichí ndikuaa un yeꞌe, saa kana nduxi”, káchi ra xiꞌin ra.

San Lucas 24:34

Ñaa ndi̱kaꞌan na ndóo ikán xiꞌin nda, káchi na saa: ―Ya ndaa ni ndixa kua ndi̱taku Tata yo Jesús, saa chi ndi̱tuvi ra nuu ra Simón Pedro ―káchi na.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

San Lucas 7:20

Saa tá ndi̱xaa nda nuu Jesús ta ndi̱kaꞌan nda xiꞌin ra, káchi nda saa: ―Ra Juan, ra síkuchi naꞌa, ku ra ti̱ꞌvi ndeꞌe vaxi nde ndakan tuꞌun nde yóꞌo̱: “¿Án yóꞌo̱ kúu ra ti̱ꞌvi Ndioxi vaxi ñuu ivi yóꞌó? ¿Án xíniñuꞌu nde kundatun nde inka ra?” che ―káchi nda xiꞌin Jesús.

San Juan 11:2

(Ta yá María, kuꞌva ra, ku yá ndi̱koyo ndee ndiꞌi nduta tami xaꞌan xaꞌa Jesús, ta saa ndi̱yakun yá xaꞌa ra xiꞌin ixi xini yá.)

San Juan 4:1

Saa ku̱ndaa ini Tata yo ya káꞌan nda fariseo xaꞌa ra ya kuaꞌa ni naꞌa ndíkundikun sata ra ta saa kuaꞌa ni na síkuchi ra nuu ra Juan.

San Juan 4:25

Saa ndi̱kaꞌan yá xiꞌin ra, káchi yá saa: ―Xíni i iin kivi ta kixi Taa ra Mesías. Ta káꞌan tu na xiꞌin ra Cristo va. Tá ná kixi ra ikán ta saa ndikani vaꞌa ka ra nuu nde ―káchi yá.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

El Apocalipsis 11:3

Ta tiꞌvi i uvi nda taa, nda ndíkuíin xaꞌa chiñu i ya kaꞌan ndoso nda tuꞌun i tixin mil uvi ciento uni xiko kivi, ta kundixi nda toto ndai ni nuu xaꞌa ya kúni i ya ndiko koo ini naꞌa xaꞌa kuachi na ―káchi Ndioxi.