San Lucas 6:49 - Xochapa Mixteco

⁴⁹ Sundi na xíni soꞌo ya káꞌan i, ta köo xáa súvi na ya káꞌan i xiꞌin na, tá káa iin ra chi̱nduꞌu xaꞌa veꞌe nuu ñuꞌu va saa íin na, chi köo ndi̱xata kunu na yu̱ú xaꞌa veꞌe na. Tá ke̱e ita ta si̱ndiꞌi xaꞌa ndiꞌi rá ya, si̱ndikava rá ya xaꞌa ya köo yu̱ú xaꞌa ya ―káchi Jesús xiꞌin na.

San Lucas 6:49 Mawu Ofanana

San Mateo 23:3

Yakan ndiꞌi ya káꞌan nda xiꞌin ndo ikan ndo, ta xaa súvi ndiꞌi ndo ya, sundi ïkan ndo tá kuꞌva íkan mií nda, saa chi ya sínaꞌa nda ndóꞌo̱ ta köo xáa súvi nda ya.

San Mateo 24:10

Ta kuaꞌa ni naꞌa ndiko koo ini xaꞌa ya kándixa na yeꞌe, ñaa ndixiko taꞌan mií na nuu na chiñu, ta kundasi ni nuu na kuni taꞌan mií na.

San Marcos 4:17

sundi xaꞌa ya täꞌan tiin vaꞌa ya nima na loꞌo ni kúndaa ini na xiꞌin ya, saa vaxi tindoꞌo nuu na, tíxuꞌvi ni na xaꞌa tuꞌun Ndioxi. Ñaa xa̱á na ndíko koo ini na ta köo xíin ka na kandixa na ya.

San Lucas 12:47

Ta ndixa ni sindoꞌo ñaꞌa xitoꞌo ra moso ikán ra, saa chi xa xíni ra ini xitoꞌo ra ta köo ndi̱xiyo nduvi ra ndikiꞌin ra xitoꞌo ra, xaꞌa ya i̱kan ra saa ta ndee ni sitixuꞌvi ñaꞌa xitoꞌo ra.

San Lucas 19:14

Ta mií na ñuu ra ni köo kúni na xíni ñaꞌa na. Kúndasi nuu na xíni na ra. Ñaa tá ke̱e ra kuaꞌan ra ta ti̱ꞌvi na ñuu ra sava nda taa, ndi̱kundikun nda kuaꞌan nda sata ra kaꞌan nda xiꞌin mií ra rey ra kaꞌnda chiñu xaꞌa ra ya ná täxi ra chiñu ndaꞌa ra nduu ra rey. Saa chi köo kúni na xíni ñaꞌa na,

San Lucas 19:27

Saa tu ndiꞌi na sáa ini xíni yeꞌe, na köo ndi̱kuni koo i rey, siyaꞌa ndiꞌi ndo na ná kixi na chí choꞌo, ta vitin kaꞌni ndo na nuu i”, káchi ra rey ikán. Soꞌva káchi tuꞌun ndíchi ikán ―káchi Jesús xiꞌin na.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Lucas 6:48

Tá káa iin taa ra si̱kuaꞌa veꞌe, kúnu ni xa̱ta ra xaꞌa ya, saa chi̱nduꞌu ra xaꞌa ya sata yu̱ú chee ni, saa ke̱e ita chee ni ta ndee ni ka̱ni rá xaꞌa ya ta köo ndi̱kuchiñu rá sindikava rá ya, saa chi nuu yu̱ú chee ni ndi̱kunduꞌu yu̱ú xaꞌa ya.

San Lucas 7:1

Saa ku̱u tá si̱ndiꞌi Jesús ndi̱kaꞌan ra xiꞌin na ikán, ta saa ndi̱kiꞌvi ra ñuu Capernaum.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

Los Hechos 26:11

Kuaꞌa ni ichí ndi̱xika i iin iin veꞌe ñuꞌu sinagoga xa̱a nduvaꞌa ni i xiꞌin na ndíkun Jesús ya kúni i ná ndiko koo ini na xaꞌa ya kándixa na ra. Ndi̱saa ni ini i xi̱ni i na, nda inka ñuu ya ñúꞌu xika ni xi̱ndikun i ndi̱xika i sata na ya kúni i sindiꞌi xaꞌa i na.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

2 Pedro 2:20

Ta naꞌa, na ndíkani ini kundikun na nda sínaꞌa ya vata ikán ta xa ndi̱saña na nuu ya väꞌa íyo ñuu ivi yóꞌó tá ku̱ndaa ini na xaꞌa tuꞌun vaꞌa xaꞌa Tata yo Jesucristo ra síkaku yoo. Sundi tá ndi̱koyo tuku na íkan na ya väꞌa taꞌan ya xa i̱kan na yachi, ta ndee ni ka kini xáꞌnda chiñu ya väꞌa ikán nuu na vitin, süvi ka vi tá kuꞌva ndi̱xiyo na tá núnu̱ú.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.